*~ BeautiFul Boys - 2 ~*

*~ BeautiFul Boys - 1 ~*

MAA KA LAADLA BIGAD GAYA ( LAST PART ) By Rajveer Singh

abhigyaan ke delhi jaane ke baad kavitaji ko laga ki ab monu ke dad se abhigyaan aur monu ke ristey ki baat karna jaruri ho gaya he. to ek din mauka dekhker unhone baldevji se jikr ched diya,

" suniyeji......................................

ab gussa thook dijiye. jesa bhi he monu apna eklauta beta he. aur gay wo apni marji se to bana nahi he na. jesa bhagwaan ne use banaakar bheja he hame use wesa hi kubul karna chahiye.

aap agar is baat ko jayda tul denge to mujhe dar he ki kahi ham apna beta hamesa ke liye na kho de............ :((  "

itana kahte hue kavitaji emotional ho gayi. baldevji ne unhe sambhaalate hue kaha,

" kavita mene is baare me bahut socha . bahut pada . aur me is natije per pahuncha hu ki tum sahi kah rahi ho. hame apne bachche ko agar apni aankho ke saamane rakhana he to uske sexual orientation ke sath swikaar karna padega.

kavita.....

meri neend kai baar raat me khul jaati he to sochata hu ki is budaape me monu ke bina kese jee paunga. ye samaaj aur society mere dard ko kabhi nahi samjh paayegi. haa me ye bhi mahsus karta hu ki society is ristey ko itani aasani se accept nahi karegi lekin kisi na kisi ko to pahla kadam uthana hi padega. aur me nahi chahta ki mera beta mujhe ek kaayar samjhe. isaliye aaj se me apne bete ke sath hu....... :)) "

baldevji ki baato ne kavitaaji ke murjhaaye chehre per muskuraahat ki roshani bikher di. wo rote rote has padi. dosto is dunia me ese kaun maa baap honge jo apne bachcho ko khona chahenge.

kavitaji aur baldevji ne bhi wahi kiya.

baldevji ki rajaamandi ke baad kavitaji ne abhigyaan ke ristey ki baat ched di. to baldevji chaunk gaye aur agale hi pal khush hote hue bole.

" kavita jo jimmedaari mujhe puri karni chahhiye thi wo tumane puri karke mujhe bahut bada sabak diya he . wese abhigyaan se mulaakat kab ho sakegi ??"

kavitaji ne apna mobile nikala aur monu ka no. lagaya aur use turant ghar bulwa bhega. 30 minute me monu ki jipsy bunglow ke baahar aakar khadi ho gayi. monu maa ke paas aaya to dekha ki papa bhi wahi baithe he. use laga ki aaj koi bahut serios baat hogi shayad.

kavitaji ne monu ko apne paas bulaate hue kaha,

" monu ....................

tumhaare papa tumse kuch kahna chahte he ...."

monu ka dil joro se dhadak raha tha. use maalum tha ki papa aaj fir usake sath sakhti se pesh aayenge. wo apne dil ko majboot karke papa ki taraf bada.

baldevji ne bhi apne kadam monu ki taraf badaaye..

kuch pal ki khaamoshi ke baad baldevji bahut jyada emotional hokar bole,

" monu mene tujhe peechhale dino jo bhi gussa kiya tujhe ulta seedha kaha us sab ko bhool ja aur ek baat kaan khol ke sun le. mujhme ab itani taakat nahi rahi ki is budaape me apne bete ki judaai ka dard jhel saku. mene jo kaha wo ek baap hone ke naate kaha tha aur aaj bhi ek baap hone ke naate kah raha hu. tu jesa he mujhe wesa hi manjur he.

bas mujhse ek vaada kar ki kabhi mujhe chorkar nahi jaayega "

itana kahte kahte baldevji foot footkar ro pade. monu ne aage badkar papa ko gale laga liya.. wo bhi rone laga . aaj monu bahut khush tha use apne papa wapas mil gaye the. wo papa ke gale lagta hua bola.,

" aapne esa kyu socha ki me aapko chorkar chala jaaunga ....??"

baldevji rote hue bole,

" us din jab mene tujhe daanta tha to tune kaha nahi tha i me chala jaaunga"

monu pita ko apni baanho me kaste hue bola,

" nahi papa ...............

wo to me gusse me bol gaya tha. aap aur maa ke alaawa mera is dunia me aur he hi kaun.

mene hamesa aapki aankho ke saamane rahunga "

aaj bahut khaash din tha . kavitaji, baldevji aur monu ke liye. aaj ye pariwaar fir se ek ho gaya tha.  raat ko ye khushkhabri monu ne abhigyaan ko dene ke liye usake no. per call kiya to udhar se dipaanker ne phone uthaate hue kaha,

" monu......

abhigyaan ko bukhaar aa raha he isaliye mene dawaa dekar sula diya he. wese ek baat  kahu ab use akela mat choro. uski saari bimaari uska akelapan he. aur khud ka khayal na rakhana. tumhare sath rahta he to esa lagta he mera dost fir se jeene laga he . uska kaam uski jaan ka dusman ban jaaye isase pahle tum use apna banaker yaha se le jao......"

dipaanker se baat karrne ke baad monu maa ke paas daudkar gaya aur unhe saari baat bata di. agle din hi monu aur usake maa baap delhi nikal gaye abhigyaan se milane ....

waha pahuchate hi monu abhigyaan ke room ki taraf bhaga. usane dekha abhigyaan bed per leta hau tha. monu ko dekhte hi uske chehre per chamak laut aayi. monu ne abhigyaan ko apni baanho me bharte hue use chumana shuru kar diya. abhigyaan ne bhi kiss karna shuru kar diya jono ek dusre ko beintehaa pyar kiye ja rahe the. fir kuch der baad abhigyaan muskuraate hue bola,

" ab bas kar monu. warna maleria to theek ho jaayega lekin laveria ho jaayega mujhe.

hehehehehheheheehhh ............................. "

monu use chumate hue bola,

" wo to ho chuka he ham dono ko......."

monu ne jab kaha ki papa bhi aaye he milane to abhigyaan behad khush hua. wo milana chah raha tha per weekness ki wajah se usase khada nahi hua ja raha tha. to monu ne use apni peeth per utha liya aur usake dono per apni kamar ke ird gird  hatho se ese pakad liye jese chhota bachcha ho. abhigyaan ne use rokana bhi chaha per monu kaha uski suanane wala tha. monu abhigyaan ko lekar maa aur papa ke saamane lekar aa gaya. abhigyaan ko dekhate hi kavitaji fikrmand ho gayi. aur bol padi,

" arey ek haftey me kitana dubala ho gaya he mera bachcha. idhar aa mera paas

aaja mere bachche............................"

monu ne abhigyaan ko kavitaji ke bagal me sofa per baitha diya to kavitaaji ne abhigyaan ko apne seene se laga liya, abhigyaan ne baldevji ko namastey kiya.

maa ke aanchal me aate hi abhigyaan ka bukhaar kamjor ho gaya. abhigyaan kavitaji ke pallu ke saaye me let gaya . baldevji uthkar abhigyaan ke  paas aaye aur usake sar per hath ferate hue bole,

" beta .....

ab tumhe yaha akela nahi chorenge ham. ab tum hamari family ka hissa ho tumhe hamare sath gwalior chalna padega. "

abhigyaan ne maa ke aanchal se baldevji ki taraf dekha, use baldevji ki aankho me aaj apne pita dikhaayi de rahe the. wo baldevi ko dekhker muskuraate hue bola,

" haa papa.................

ab mujhse bhi akele nahi jiya jata. mujhe bhi aap sab ka pyar chahiye. "

dipaanker ne baat katate hue kaha,

" aur me kya tera dushman hu jo mujhe chor ke jaayega ...??? :P:P "

dipaanker ki baat per sab log has pade. kuch der baate karne ke baad dipanker sab logo ko unke room tak chorkar aaya. abhigyaan ko apni goad me uthaakr monu room tak le gaya. monu ne change kiya aur aakar abhigyaan ke paas let gaya. abhigyaan ne apna sar monu ke seene per rakh liya. monu ne abhigyaan ka badan chhua jo buri tarah bukhaar se tap raha tha. jabki monu ka jism ekdam thanda rakha tha. abhigyaan ko monu ka spersh bahut thanda aur achcha laga. monu ne bhi ye mahsus kiya ki abhigyaan ko isase raahat mil rahi he. to usane apne badan se saare kapade alag kar diye. aur abhigyaan ke jism per to pahle se hi sirf ek undi thi.monu ne abhigyaan ko apne uper leta liya . do jawaan jism itane kareeb the fir bhi aaj unke ander se   vaasana ki aag nahi balki pyaar ki bauchaar bahar aa rahi thi. abhigyaan ne monu ke jism ke har ang se apna ang chapet liya tha. use bahut thandak mil rahi thi. monu abhigyaan ke jalate badan ki garmi ko pyar ka prasad samjh kar pee gaya tha. kareeb 1 ghante baad abhigyaan ko neend aa gayi fir bhi  monu raat bhar wese hi leta raha abhigyaan ko baanho me liye. subah jab abhigyaan ki neend khuli to usane dekha ki monu use apni baajuo me kase hue leta tha. use kal raat ki saari baate yaad aa gayi. uski aankho se aanshu baras pade. ek do aanshu jab monu ke seene per pade to monu bhadbhadaakar uth gaya aur pareshaan hokar abhigyaan ka matha  chhukar dekhate hue bola.,

" tum theek ho na abhigyaan ???"""

abhigyaan rote hue bola,

" me to theek hu per mujhe itana pyar doge to me sach me kahi pagal na ho jaau. mene sapne me bhi nahi socha tha monu ki tum jesa jeevansathi meri jindgi me aayega. tumane meri jindgi ki har kami ko pura kar diya.

I LOVE U MONU. "

monu abhigyaan ke aanshu ponchate hue bola,

" mene wahi kiya jo jeevansathi ek dusre ke liye karte he. ab ham do kaha rahe he ab to ham ek he .....

hai na ???

abhigyaan muskuraate hue bol pada ,

" haa ab se ham ek he "

kuch dino baad abhigyaan monu ki family ke sath gwalior hi aa gaya. usane apna business yahi shuru kar diya tha. ek bahut hi saade prograame me monu aur abhigyaan ki shaadi ek mandir me karwa di gayi. monu aur abhigyaan aaj kavitaji aur baldevji ke sath ek khushhaal life jee rahe he. lekin samaaj me abhi bhi kuch log cmmt paas kiye bina nahi maante. per baldevji aur unke pariwaar ne ab is sab ki perwaah karna chod diya he. ab is kahani ko yahi viraam deta hu. wese dosto ek baat kahu shayad aapko bharosa ho na ho jab bhi me koi kahani likhata hu to me us story ke characters se bahut attach ho jata hu. kahani ke khatm hote hote wo characters mere dost ban jaate he. unhe alvida kahne me badi taklif hoti he. per yahi to jindgi he.

chalte rahna

chalte rahna

aur bas chalte rahna.........................................

 @-,'-- samaapt--,'-@ 

                                                                ~RAJVEER~

MAA KA LAADLA BIGAD GAYA ( PART- 3 ) By Rajveer Singh

agle din subah subah hotel ke bahar monu ki car aakar ruki. abhigyaan wahi gate per wait kar raha tha monu ka. dipaanker aaj bhi business meet me busy tha.monu ko dekhte hi usane ek smile di jiske badle me monu bhi muskura diya. abhigyaan white t shirt aur blue jeans me bahut janch raha tha. udher monu red shirt aur black trouser me aaj khile hue gulaab sa mahak raha tha. monu ke bagal me aakar abhigyaan baith gaya. aur monu ne car ko gwalior ki sadko pe daudana shuru kar diya. dono ke beech me baatcheet shuru hui.

abhigyaan ne kaha,

" monu tum dikhane me kaafi macho aur handsome ho . definitly abhi tak koi na koi to life me aaya hoga. m i right ??"

monu ne haa me sar hilaate  hue kaha,

" haa tha ek cllg frnd . lekin ab uski shaadi ho gayi he. aur wo apni jindgi me khush he "

abhigyaan ne baat aage badaate hue puchha ,

" use sachcha pyaar karte the kya tum ??"

itane me car JAIVILAASH PALACE ke ander enter hui. italian architecture per based yah palace dekhane me kisi european palace ki maafik lagta he. car ko park karke dono ander enter hue. ander bahut kam log the. waha bane musieum ka muaaina karte wakt abhigyaan ne fir se apna wahi sawaal dohraya to monu ki aankhe dabdabaa gayi wo bhaari aawaj me bola,

" abhigyaan, kuch manjile esi hoti he jo safar me milti to he lekin hame kismat ke hatho majboor hokar aage bad jana padta he nayi manjil ki talaash me. me use beintahaa chahta tha lekin wo apni family ko kisi keemat pe khona nahi chahta tha. isliye mujhe use aajad karne ke alaawa aur koi chara nahi tha. pyar ka matlab kisi ko baandhkar rakhna to nahi  hota na. pyar to ek khushbu he har bandhan se aajad. esa nahi he ki mujhe usake jaane se koi takleef na hui ho. me hi jaanta hu ki wo din mene kis tarah kaate . aur tabhi ye faisla kiya ki apni family ko apne gay hone ke baare me bata dunga jisase ab agar me kisi ladke ko apni jindgi me shaamil karu to uska aur mera rista khuli kitaab  ki tarah ho.me ek aur sadma nahi jhel paaunga . isliye ghar me bata diya. aur bhagwaan ka shukr he maa ne mujhe samjha aur me jesa hu wese hi mujhe pyar diya. haa papa naraj he per mujhe ummeed he maa unhe bhi mana lengi.

kher ye to meri jindgi ki kahani thi tumane kuch nahi bataya mujhe apni love life ke  baare me ."

monu ki baate sunate hue abhigyaan na jaane kis dunia me pahuch  gaya tha. monu  ki aawaj se uska dhyaan wapas lauta aur wo ek feeki si hasi haste hue bola,

'" monu meri jindgi ek saanp sidi ke khel jesi he. jaha se shuru ki thi jindgi wahi laut ke waapas aa gaya. tumhe to pata hi he ke mere daddy army me he ye baat 5 saal puraani he me apna M.B.A complete karke ghar wapas lauta tha us wakt papa ki posting chandigarh me thi. papa tab brigedier the. papa ki offc me ek captain tha meri hi umar ka unmarried . wo aksar papa ke paas kaam se ghar aata rahta tha . usase mujhe jaane kab pyar hua pata hi nahi chala. wo bhi mujhe pasand karta tha. ham dono bahut jaldi pyar ke dariya me gote lagaane lage. ek baar papa delhi gaye the 3-4 din ke liye aur maa . nanaji ki yaha bhaiya ko lekar gayi hui thi me akela tha ghar pe. to mene use bula liya tha. ham log pyar karne me itane pagal ho gaye the ki yaad nahi raha ki ghar ka main gate khula he. usi wakt papa apni meeting cancle ho jaane ke karan wapas aa gaye.
ham dono ko us haalat me dekhkar wo bahut bhadake. mujhe maara pita aur us captain ko bhi bhala bura kaha. wo chala gaya. shaam ko piataaji ka gussa thoda thanda hua to papa ne us captain ko wapas bulaya aur mujhe bhi bulaakar apne paas baithaya. wo ham dono se safaai sunana chahte the,

mene to kah diya ke me us captain se pyaar karta hu. per wo dhokhebaaj insaan bola,

" sir me thode sharaab ke nashe me tha isaliye me bahak gaya . srry sir. i m nt into men. i m a str8 guy. believe me sir. "

usake baad mujhe kuch bhi sunaai nahi diya bas uske wo lafj yaad rah gaye. papa ne mujhe ghar se nikaal diya aur mene apna khud ka business shuru kar diya aur aaj achcha khaasa business jam gaya he. bas tab se mujhe wardi waalo pe bharosa nahi raha."

itana kahkar abhigyaan ki najar monu ke chehre per padi to monu ko ye baat chubh gayi. usane baat katate hue kaha,

" lekin saare force waalo ko ek najar se dekhana kaha ki sahi baat he. har deptt me achche bure log hote he."

baato ke silsile u hi jaari the. aur is tarah dono ek dusre ko samjh rahe the. kahte he na baato se har masla suljhaya ja sakta he.
kher waha se nikal  kar unki car gwalior fort ki taraf serpat daud gayi. car me abhigyaan ne fir se monu se ek sawaal kiya,

" to ab life ke baare me kya socha he. koi mila abhi tak ......"

monu ne abhigyaan ki aankho me aankhe daalkar kaha,

" haa ek ladka pasand to aa gaya he maa ko bhi pasand he. dekhate he baat kaha tak badti he"

mnou ki  ye baat abhigyaan ko jaane kyu bahut buri lag gayi wo buri tarah tilmila gaya. ek din usi abhigyaan ne monu ka rista thukra diya tha fir aaj usake man me esa kyu ho raha he.abhigyaan ne kuredate hue puchha,

" kya naam he uska ??
karta kya he ??
kya me jaan sakta hu usake baare me ??"

monu ne abhigyaan ka chehra dekhate hue kaha,

" tumhaare jesi hi personalty he. per use police waalo se koi alergy nahi he. dil ka bahut achcha he. business karta he. maa se uski bahut achchi patati he. me jab bhi uski aankho me dekhata hu to lagta he wo kahana chah raha ho

" i love u monu . i really love u."

abhigyaan ka sar achaanak se dard karne laga to monu use lekar apne ghar aa gaya. kavitaji abhigaayn ko dekhker khushi se uchhal padi. lekin agle hi pal unhe uski fiker hone lagi.monu abhigyaan ko apne room me le gaya. peeche peeche maa sardard ki dawaa le aayi. dawaa khilakar monu ne use apne bed pe lita diya. itane me police station se urgent call aa gaya to monu ko jana pada. kavitaaji wahi paas me baith gayi.

kareeb 2 ghante baad abhigyaan ka sardard band hua to usane aankhe kholi to dekha ki kavitaji paas me baithi thi. lekin monu kahi dikh nahi raha tha. usane uthane ki koshish karte hue kaha,

" kaafi der ho gayi ab mujhe chalna chahiye . shaam ki train se wapas jana he delhi. "

kavitaji ne use jabardasti litaate hue kaha,

" kahi nahi jaoge tum aaj. chupchaap lete raho. abhi tum theek nahi ho. kal chale jana. aur aaj yahi ghar per rukana padega. me is haalat me hotel ka ganda khana nahi khaane dungi tujhe samjha na "

kavitaaji ka pyar bhara gussa dekhker abhigyaan ko apni maa ki yaad aa gayi. kuch sochate hue wo bola,

" lekin aunty hotel me dipanker akela hoga. ?"

kavitaji ne pyar se usake sar per hath ferate hue kaha,

" use to mene kab ka hotel se ghar bulwa liya he. wo abhi fresh ho raha he. bas aata hi hoga "

abhigyaan kuch kahta isase pahle dipaanker room me aa gaya aur thoda sa shaitaani kartte hue bola,

" aunty ko mene hi phone karke kaha tha ki sirf abhigyaan hi aapka beta he kya me nahi. mujhe bhi ghar ka khana khana he to aunty ne mujhe fauran bulwa bheja. :p "

abhigyaan kuch tasalli ke sath fir se bister per pasar gaya. shaam ko jab monu ghar wapas aaya to usane dekha ki ghar me kaafi shor ho raha he. ander kitchen me jaaker dekha to maa garam garam palak ke bhajiye fry kar rahi thi aur abhigyaan aur dipanker dono khaane ke liye lad rahe the. dipanker kah raha tha,

" tu kab se petu ho gaya abhigyaan. ghar pe tujhse kuch khaane ki kaho to muh banane lagta he aur yaha meri bhi plate saaf kar di. this not fare. aunty abki bhajiye meri plate me daalna. mujhe bahut kam mile he khaane ko."

kavitaji bahut dino baad khilkhila ke has rahi thi. monu ko ander aate dekh dipanker ne kaha,

" aa  gaye DY. SP. sahab.
ab aapke liye kuch nahi bacha he. baad me aana. abhi to mera hi thikana nahi lag pa raha is abhigyaan ke bachche se................
bhukkad kahi ka ..
hunhhhhhhhhhhhhhhhhhh............."


monu ke chehre per hasi aa gayi. itane me kavitaji ne frying pen se garam garam bhajiye jese hi nikaalker plate me rakhe. to abhigyaan aur monu ek sath jhapate. aur anjaane me monu ka jism , abhigyaan ke bahut kareeb aa gaya. dono ke hath ek dusre ke hatho ko chhu rahe the. aur monu abhigyaan ke peechhe khada hua tha. to abhigyaan ko ek ajeeb si siharan hone lagi. is wajah se dono ka dhyaan bhajiyo se hat gaya aur itane me dipanker ne baaji maar li aur wo saare bhajiye apni plate me daalker living room ki taraf bhaag gaya. kavitaaji ne bhi is lamhe ko mahsus kiya. unhe ummeed ki ek kiran dikhayi di. wo boli,

" koi baat nahi 5 minute ruko abhi tum dono ke liye fry kar deti hu. wese monu teri wajah se abhigyaan thahar gaya warna bechara dipanker pichale 15 minute se bhajiyo ke intejaar me khada tha.
bhola bachcha.................
he he he he he he........"

maa ki baat sunker abhigyaan ki najare monu ki taraf chali gayi. ek baar fir se dono ki nigaahe takraane lagi. ek kashish dono ko khinchane lagi thi. ek naya sa ahsaas kayam ho raha tha. monu shayad apne liye abhigyaan ke dil me jagah talaash raha tha to abhigyaan shayad monu se sawaal kar raha tha ki meri jagah tumane kisi aur ko kyu de di. kya mujhpe bharosa nahi tha. mujhse ek baar dubara puchha to hota. tumase pahli mulaakat ke baad hi me din raat tumhe hi socha karta hu. aur tumane mujhe ek pal me paraya kar diya "

kuch palo ke baad fir se hasi majaak ka daur shuru ho gaya. raat ka khana bhi abhigyaan ki pasand ka hi bana tha. dinner ke baad abhigyaan kavitaaji ke hath ke bane khaane ka kayal ho gaya. raat ke 10 baj chuke the. dipanker t.v dekh raha tha aur kavitaji chhat per tahal rahi thi . wahi per abhigyaan bhi aa gaya usane dekha ki kavitaaji thoda sa thak  jaane ke baad aaram kursi  per baith kar aasmaan ko dekh rahi thi. abhigyaan aas aaker wahi baith gaya aur apna sar kavitaaji ki goad me rakh diya. raat kaafi andhiyaari thi. kavitaaji abhigyaan ke ser per hath ferane lagi. to unhe laga ki abhigyaan kisi baat se bahut jyada udaas he to unhone puchha .

" kya  hua he mere bachche ko ??????
itana udaas kyu he ?"

abhigyaan rone laga to kavitaaji ko uski hichakiya sunaai di . unhone abhigyaan ki peeth per pyar se hath ferate hue kaha,

" kya baat he abhigyaan? mujhe nahi bataoge. me tumhari bhi to maa hu..??

abhigyaan ka rona kuch aur tej ho gaya. to kavitaji kursi se khadi hui aur farsh per baith gayi. abhigyaan unki goad me sar rakhker beintahaa roye ja raha tha. usase chupaate hue kavitaji boli,

" monu se pyar ho gaya he tujhe. yahi baat he na ????"

abhigyaan ne achaanak se asr uthaaker kavitaji ki aankho me dekha,

kavita ji ne fir se wahi sawaal dohra diya,

" bol...................
yahi baat he na. tujhe mera monu pasand he "

abhigyaan ne rote hue haa me sar hila diya . kavitaaji ki aaknho me ek chamak aa gayi. wo abhigyaan ko dulaarate hue boli,

" tu aur monu dono ek dusre ko pasand karte ho per kahna koi nahi chahata. me tum dono ki aankho me wo pyar dekh chuki hu.
arey pagle isame rone ki kyaa baat. ye to khush hone ki baat he. jaa use apne dil ki baat kah de. wese bhi tu bada he umr me usase to pahal tujhe hi karni chahiye."

abhigyaan ka rona achaanak se band ho gaya aur wo sawaaliya najaro se kavitaji ke chahre ko dekhate hue bola,

" per monu ne to mujhe kaha  tha ki usane aur aapne koi ladka pasand kar liya he ?????"

kaviitaji muskuraate hue boli,

" arey buddhu tujhse milane ke baad se hi monu tujhe chahne laga he aur me apne bete ka man achchi tarah se pad chuki hu. wo aaj bhi sirf tujhe chahta he. aur wo jis ladke ki baat kar raha he wo tu hi he."

abhigyaan khushi se pagal sa ho gaya. wo kavitaaji ke seene se lipatate hue bola,

" maa aap sach kah rahi he ???'"

kaviaaji thode se banawati gusse me boli,

" haa abhi tak to yahi sach he lekin aaj agar tune monu ko apne dil ki baat nahi batai to me sach koi aur ladka dundhna shuru kar dungi :P "

abhigyaan monu ke kamre ki taraf daud gaya. ab usase bhi intejaar nahi ho raha tha. monu ke kamre ka door open tha. ander sirf ek table lamp jal raha tha aur monu us roshani me kuch pad raha tha uski peeth door ki taraf thi. abhigyaan chupke se aage bada aur monu ke behad kareeb aa gaya to usane dekha ki monu ki aankhe bhi aanshuo se bhari hui thi. sisikiya itani maddham thi ki bade dhyaan se hi suni jaa sakti thi. monu is baat se bahut dukhi tha ki kal abhigyaan hamesa ke liye usaki aankho se dur ho jaayega. aur wo use roke bhi to kis hak se. jab wo khud hi is riste ko na kah chuka he.

abhigyaan ne monu ke kaan ke paas aate hue kaha,'" mujhe maalum nahi tha ki police waale bhi rote he ????  wese tumhe dhang se rona bhi nahi aata :p"

abhigyaan ki  aawaj sunate hi monu ek dam se chaunk gaya. dono ke chehre aamane saamane the. abhigyaan ne apne hatho se mnou ke aanshu ponchate hue kaha,

"  mujhe aunty ne sab bata diya he . ki tum dipaanker se bahut pyar karne lage ho. mujhe pahle kyu nahi bataya .??
me baat karunga dipaanker se . ""

monu ne achaanak se baat katate hue bola,

" me dipaanker se pyar nahi karta me to tumse .................."

itana kahte hue monu ki awwaj rundh gayi. kuch kaha nahi ja raha tha usase. abhigyaan ne usase khicher apne seene se laga liya aur monu ke gaalo ko chumate hue kaha,

"  I LOVE U MONU. "

monu  ye shabd sunate hi abhigyaan  ki baanho me bilakhane laga. abhigyaan use chume jaa raha tha aur monu roye ja raha tha. abhigyaan ne baat aage badaate hue kaha,

" ab to ham ek dusre ke ho gaye he ab kyu ro rahe ho monu ????
me ab sirf tumhara hu..................
aur tumhara hi rahunga "

monu ne apne aanshu ponchate hue kaha,

" aaj kai saalo baad mujhe wo sukun mila he jiski mujhe jaane kab se talaash thi. pahle ye der tha ki mere gay hone ke baare me log jab sunenge to kya hoga. maa papa kya kahenge ??
fir darta tha ki itani badi dunia me kya mujhe esa jeevan sathi milega jo mujhe samajh paaye. mujhe jindgibher apne pyaar ke saaye me chhupaaye rakkhe. abhigyaan tum nahi jaante. me ander se kitana tut chuka tha. agar maa ne mera sath nahi diya hota to jaane meri kya haalat hoti. tumhe meri jindgi me laane waali meri maa hi he. aap mujhe mahsus hua he ki gay ladko ko apni family ke  support ki kitani jarurat hoti.meri maa ne mujhe barbaad hone se bachaa liya."

abhigyaan monu ko chumate hue bola,

" wo aaj se meri bhi maa he. aur sach kahu to tumhe samjhane me maa ne mujhe badi help ki he. warna ham milker bhi mil nahi paate...
kher  jo hua bahut achcha hua. ab so jao mujhe subah delhi jana he."

monu ne abhigyaan ko apne baajuo me uthaaker bed per patakte hue kaha,

" ese nahi jaa sakte. bachcha bhukhaa he use kuch khaane ko chahhiye.....:p"

abhigyaan ne apni baajuye monu ke kandhe per daalte hue kaha,

" achche bachche jid nahi karte. abhi naasta hi milega full diet shaadi ke baad ."

itana kahker abhigyaan ne monu ko apne seene se laga liya. monu ese behave kar raha  tha jese kisi bachche ko usaki sabse pyaari cheej mil gayi ho. monu ne abhigyaan ki neck per ek love bite dete hue kaha,

" ek baat hamesa yaad rakhna abhigyaan. monu tumhaare pyar ka bahut bhukha he . use jyada intejaar mat karwana. "

abhigyaan ne monu ki aankho ko chumate hue kaha,

" mujhe pata he monu. me bhi utana hi baichain  hu jitana tum. aaj ki raat hamaari imtihaan ki raat he dekhate hamare ander kitana sabr he. "

aur hua bhi esa hi abhigyaan aur monu us raat kissing se aage nahi bade. agli subah abhigyaan delhi wapas chala gaya.

 to be continue______________::

MAA KA LAADLA BIGAD GAYA ( PART - 2 ) By Rajveer Singh

abhi sofe pe baithate hue bola,

" srry mujhse milane ke liye aapko yaha tak takleef uthaani padi . wese me waha aa hi raha tha per achaanak offc ka kuch kaam aa gaya.
wese aap ka kya karte he monu ?? "

monu ne maa ki taraf dekha to maa ne isharo me hi  use permission de di. monu ne kuch hichkichaate hue kaha,

" actually i m in POLICE ...........................

Dy. S.P. ki post per "

police ka naam sunkar hi abhigyaan ne dipanker ki taraf dekha. jese kaha raha ho ki ye baat pahle kyu nahi batai. aur dipaanker ishaaro me hi mmaafi maang raha tha. abhigyaan kuch stress me aa gaya aur kuch sochate hue bola,

" dekhiye aunty mujhe ek soft hearted insaan chahiye jo mujhe aur meri feelings ko samjh sake. jiski life me risto ki bahut importance ho. jo sirf aur sirf mera hokar rahe. mera galat matlab na nikaaliyega lekin me kisi police ya army waale se koi relation nahi banana chahunga "

ye baat sunate hi kavitaji aur monu ke chehre per udaasi chha gayi. monu ne maa ko chalane ka ishara kiya lekin kavitaaji ne aakhiri koshish karna jaruri samjha aur isliye wo abhigyaan se boli,

" dekho beta har defence ya force service ka ladka bedil ya bahut rukha ho ye sach nahi he. aur tumhaari ye soch se bhi me sahmat nahi hu. isliye me chahti hu ek baar tum monu ke sath time spend karke dekho use samjhane ki koshish karo . tab tum jaanoge ki wo kitana naram dil ladka he. "

abhigyaan me rukhaai se jawaab dete hue kaha,

" srry aunty lekin mujhe apni life se jo sikhane ko mila he usake aadhar per hi me decision leta. aur me chahta hu ki me jis kisi ko bhi apnaau to pure man se ....

aadhe adhure man se nahi......"


kavitaaji uthate hue boli,

" theek he beta jesa tumhe theek lage. lekin mujhe to tum pasand aa gaye the. kher ye to kismat ki baate he. kaun kiski kismat me h............rab jaane "

monu aur kavitaji ko abhigyaan bahar tak chorane aaya. aur ek benatijaa mulakat ke baad kavitaji apne bete ke sath gwalior wapas aa gayi. kavitaji ne saaf saaf dekha tha ki monu ko abhgyaan pasand aa gaya tha. usake chehre per ek chamak si aa gayi thi. lekin wo kya kar sakti thi apne bete ke liye jab abhigyaan hi taiyaar nahi tha.

is baat ko 2 month ho gaye the kavitaji is baat ko bhulane lagi hi thi ki ek din dipanker ka phone aaya,

" hello aunty namastey........................
me dipanker bol raha hu abhigyaan ka dost noida se pahchaana ?"

kavitaji ke chehre per ek chamak si aa gayi. wo exited hote hue boli,

" ha beta pahchan liya . aur kesa chal raha he sab kuch. abhigyan kesa he ?? use koi mila ya nahi "

dipanker ki aawaj dheemi ho gayi aur wo kuch sochate hue bola,

" mujhe aapse ye kahna tha ki mujhe bhi lagta he ki abhgyaan ke liye monu se achcha jeevansathi nahi mil sakta. aur me ye bhi janta hu ki abhigyaan ko bhi monu pasand aa gaya he kyuki aap logo ke jaane ke baad wo koi na koi bahaane se aapke baare me baat karta rahta he. aur me apne dost ko achche se samhata hu ki wo mujhse kya kahna chah raha he. me chahta hu ki kam se kam ek baar dono ( abhigyan aur monu ) pura din sath sath ghume fire . to shayad baat ban sakti he."

kavitaaji ne khush hote hue kaha,

" ye baat to mene us din bhi kahi thi pr abhigyaan ne hi mana kiya tha. aur use monu ke police ke job se elergy he uska kya hoga ??"

dipanker ne gambheer hote hue kaha,

" actually aunty baat ye he ki abhigyaan ki maa to is dunia me bahut pahle se nahi he sath hi abhgyaan ke papa ne kabhi bhi abhgyaan ko wo pyaar nahi diya jiska wo hakdaar tha. na kabhi use samjhane ki koshish ki. uske dad army me he. isliye uske dimaag me ye baat ghar kar gayi he ki saare force waale ese hi patthardil hote he "

kavitaaji ne thandi saans chodte hue kaha,

" hmmmmmmm..........................
to baat ye he . wahi me kahu ki uski soch itti negetive kyu he ??
kher use convince kese karoge meeting ke liye "

dipaanker ne uchhalte hue kaha,

" ek achcha mauka hath laga he . isliye mene aapko call kiya he. abhigyaan perso apne business ke silsile me gwalior jaa raha he waha do din tak rukane ka prograam he. me chahta hu ki monu aur ahigyaan dono ko ek baar milwaa diya jaaye to kesa rahega. lekin hame  ye baat abhigyaan se chhupani padegi warna wo milane ko raaji nahi hoga...."

kavitaji khush hote hue boli,

" haa beta mauka to achcha he...
ye to batao abhigyaan kaha stay karne waaala he aur kya tum aaoge uske sath ??

dipanker apni baat ko aage badata hua bola,

" jee me bhi aa raha hu. ham log hotel AADTIYAAJ  me stay karenge. "

kavitaji ne kuch sochkar kar kaha ,

" theek he ab mera plan suno aur wesa hi karna...."

aur kavitaaji ne saara plaan dipanker ko samjha diya .

do din baad. jagah hotel aadityaaj ka confrencing hall. jaha abhigyaan meeting me busy he . kareeb ek ghante baad wo meeting se free hote hue apne room me aata he kii. tabhi dipanker ka phone aata he ki wo jaldi se police station aa jaaye kuch prbm ho gayi he. abhigyaan heraan pareshaan sa police station pahuch jata he, dipanker ko dekhate hi wo puchata he ki baat kya hui,
dipanker naatak karte hue bola,

" arey wo me jara market aaya tha to kisi me meri pocket maar di . mere saare credit card paise usi me chae gaye. bas usi ki report likhwaane aa gaya hu. "

abhigyaan ne thoda sa tasallii ke sath kaha,

" to chalo ander officer se mil lete he.."


iatana kahkar dono jese hi chamber me ghuse to sann rah gaye. ander monu apni policiya wardi me bahut handsome lag raha tha. ek baar fir abhigyaan ki najare monu k najaro se takra gayi.
dono log aashchryachkit bhi the aur kahi na kahi khush bhi the. abhigyaan ne fir se hath badaate hue kaha,

" what a pleasant surprise.......????
to tum yaha posted ho ?

monu ne khud ko sambhaalte hue kaha,

" haa me yahi posted  hu. kahiye yaha kese aana hua ??"

abhigyaan ne tafsil se saara kissa bayaan kar diya . uski baat sunker monu ne unhe tasalli dete hue kaha,

" aap fikar na kare me puri kosish karunga . "

monu ne ek hawaldaar ko bula kar kaha,

" sahab ki reoprt likh lo .....
dipaanker aap is hawalldaar ke sath chale jaayiye aur tafsil se ise note karwa djye ki ghatna kese kab aur kaha hui ?"

dipaanker to waha chala gaya ab chamber me abhigyaan aur monu akele the. monu ki dil ki dhadkane tej ho rahi thi. usane apna dhyaan baatane ki koshish karte hue kaha,

" yaha gwalior me kese aana hua ??"

abhigyaan ne use apni business trip ki baat batayi. wahi chamber me gwalior fort ka ek bada sa painting laga hua tha use dekhkar abhigyaan ne usake baare me kaafi saari inquiry ki to monu ne use waha apne sath ghumane chalane ka proposal diya jo abhigyaan ko pasand bhi aa gaya. jese hi dipanker report file karwaa kar wapas aaya to abhigyaan ne fort jaane ki baat ki to dipaanker ne sar dard ka bahana bana diya to monu aur aabhigyaan dono fort ghumane akele chale gaye.


fort per jyada bheed bhaad nahi thi. monu aur abhigyaan sath sath chalte hue yaha waha ki baate kar rahe the. kaareeb 2-3 ghantey ki baat cheet me hi dono kaafi ghul mil gaye the.
abhigyaan ko monu ka behaviour kaafi pasand aaya tha. uske behaviour me koi akad ya poliya ruaab nahi tha. bilkul aam ladko ke jesa hi tha.

jab fort se waapas chalane lage to abhigyaan ne monu se kaha,

" agar tumhe theek lage to ka kya tum mujhe gwalior ghumaa sakte ho kyuki me kal raat ko wapsa chala jaaunga"

monu ke chehre per ek sath khushi aur dukh ki lakire aa gayi. usane turant haa kar di. dono wapas  chal diye. aasman aaj bahut saaf tha. shayad ab abhigyaan aur monu k risto pe chhai dhundh bhi chhat rahi thi.....

to be continue_____________::

PYAR KI DOR ( part - 1 ) By Rajveer Singh

Bhagwan ne jab ye dunia banai to usne insaan ke saamne kai chunotiya aur sangharsh rakh diye, dard aur dua di, pyar aur wafaa di par jo niyamat sabse khubsurat di vo the bachche,.

ye kahani isi baat ko  saabit karti he ki bachche bahut kuch badal dete he..

To shuru karte he me hu aapka RAJVEER ( DHARMENDRA SINGH TOMAR) aur ham aapko le chalte he Gwalior ki ek multi story building SILVER STATE me.

5th floor par flat no. 54 B jisme rahte he Rajveer singh apni maa ke sath . Rajveer Bank me astt manager he. RAJVEER ki umr koi 28 baras kad 180cm/ 70/ 32. rang wheatish, Chehre par ek rukhaapan aur looks bilkul typical rajput mard ki tarah. Yani chehre par halki muchhe, thodi si badi hui daadhi, bhara aur kassa hua jism, chehra me kuch khaas he to uski aankhe, esa lagta he kuch kahna chahti he. Rajveer kam bolta he ya ye kahe sirf matlab ki baat karna use pasand he. Abhi tak single he, aur straight bandaa he.

aaj vo office ke liye late ho gaya he. Usne jaldi se apna bag liya aur lift me ghus gaya. Vo jaanta tha ki aaj boss ki daant padna pakka he. Kafi upset tha. Tabhi kisi ne bade pyar se kaha,

'' gud mrng ........."

usne palatkar dekha uske baaju me ek ladka khada tha kareeb 22 saal ki umr hogi. Rang behad gora kad 175cm weight 66 well built body, aur chehre ke kya kahne neeli aankhe, patli naak aur chehra esa ki ek baar dekh le to najar hatana mushkil ho jaye. Naam JAY BHADAURIA.

Jay ke dad ka kafi bada business he. India, U.k., Canada me unki branches he. Jay ke dad ne ek english lady se shaadi ki thi jo shaadi ke baad jay ko unki goad me chhodkar chali gai aur kabhi lautkar nahi aai. Isiliye jay ke dad ne use india me paala posa. Vo nahi chahte the ki foreign ki hawaa bhi use lage, yaha unki ek bahan gwalior me rahti thi. Unhone jay ko apni bahan ke paas padaya likhaya. Lekin kareeb ek saal pahle unki sister indore shift ho gai to jay ne ek flat le liya. Vo yaha bachpan se raha tha , uske saare frnd yahi the aur uska M.B.A ka ek saal baki tha. Jay ke father saal me 10 mahine to foreign me rahte the.

RAJVEER ko JAY ka u muskurata hua chehra achcha nahi laga . Use kaafi tension ho rahi thi. Vo jese tese office pahuncha to boss aaj leave par the uski jaan me jaan aa gai. Agle din jab vo office se ghar laut raha tha to lift me Jay fir mil gaya. Usne Rajveer ko dekhte hi muskura kar fir se gud evng kaha. Aaj raj ka mood theek tha to usne bhi palat kar use gud evng wish kar diya. Jay ne tapaak se kaha,

'' mera naam jay he me M.B.A kar raha hu IIITM se yahi aapke bagal wala flat me rahta hu. Abhi ek mahine pahle shift kiya he."

rajveer ne formal hokar kaha,

'' nice to meet u"

jay ne hath badaya to rajveer ne hath mila liya.

Vo aksar lift me takra jaate the. Rajveer kisi tufaan ki tarah jaldi me hota tha par jay ke chehare par hamesa sukun sa chhaya rahta tha.

Vo jab bhi milte hamesa jay baat shuru karta par rajveer uski baato par haa ya naa me sir hila diya karta tha. Kabhi kabhi Rajveer jay ko dekhkar sochta,

'' ye kitni bak - bak karta he??"

ek din jab Rajveer jab office se ghar aaya to maa ne use kaha,

'' Raj ye tiffin jara jay ko de aa, aaj mene gaajar ka halwaa banaya he use bahut pasand he."

Rajveer ne apna office bag patakte hue kaha,

'' maa, me nahi janta tum kiski baat kar rahi ho."

mom ,'' arey , baajuwale flat me jo naya ladka aaya he na. Bahut pyara bachcha he. Tu to office chala jata he par jab bhi wo khali hota he jhat se mere paas aakar jid karne lagta he, aunty ye khana he vo khana he. Pyar ka bhukha he, maa to he nahi uski. Isliye mujhe uski chinta hoti he."

raj beman sa hokar, uske flat par gaya to door khula tha. Vo andar naha raha tha. Usne knock kiya to andar se aawaj aai,

'' aunty, aap kyu pareshan hui, me khud aa jata lene..."

rajveer ke kuch damdar aawaj me kaha,

'' maa ne tiffin bheja he, yaha rakh diya he."

jay turant samajh gaya ki ye rajveer ki aawaj thi. Usne jhat se kaha,

'' arey aap he!!!!!

Please bethiye me do minute me aata hu."

Rajveer jaldi se bola,

'' no its ok, i have to go somewhere, so see u later."

itna kahkar vo turant bina jawab ka intejaar kiye wapas aa gaya.

Rajveer ko ye sab pasand nahi tha. Kisi ajnabi ko u ghar me ghusana . Par vo maa se kuch nahi kahna chahta tha. 

Kareeb ek hafte tak use jay dikhai nahi diya,

jab shaam ko vo ghar lauta to maa ghar par nahi thi lekin darwaaja khula hua tha. Use fikr hone lagi. Kareeb aadha ghante baad maa jab lauti to vo kaafi pareshan thi. RAJVEER ne unhe u pareshan dekhkar kaha,

'' maa kya baat he??? 

Aap itni pareshan kyu he???" 

maa ,'' Raj, jay ki tabiyat 3 dino se kafi kharaab he, bahut tej bukhaar he. Me to thak gai is ladke ko samjhate samjhate, meri to sunta hi nahi. "

maa ne uske liye khichadi banai aur raj ko dete hue boli,

'' beta, ye khichadi jara tu use de aa, me jab tak tere liye dinner bana deti hu."

rajveer beman se vaha pahucha, door open tha, usne knock kiya to andar se ek kamjor aawaj aai,

'' aa jaiye rajveerji "

Rajveer andar aate hue bola,

'' tumhe kese pata chala ki me hu.?"

jay ne kaha ,'' aap ka knock karne ka andaj mujhe yaad he."

Rajveer ki najar jay ke chehre par padi, pura chehra kamjori se peela pad gaya tha, uski haalat dekhkar Rajveer ko mahsus hua ki jay ki haalat kaafi kharaab he. Fir bhi usne bina kuch puche sirf itna kaha,

'' maa ne ye khichadi bheji he. Kha lijiyega."

itna kahkar Rajveer jese hi chal diya aur darwaje tak aaya to usko kuch girne ki aawaj mahsus hui. Usne palat kar dekha,

jay neeche gir pada tha,

Rajveer ne daudkar use thaam liya. Jay ka badan buri tarah tap raha tha. Bahut tej bukhar tha use. Rajveer ne use sambhalkar bed par litate hue kaha,

'' kya chahiye ???

Mujhe batao??"

dddddddddddddddddddddddd

Jay ne kuch sankoch se kaha,

'' vo mujhe loo jana tha......."

Rajveer ne kaha,

'' chalo me le chalta hu"

Jay ne kaha, '' nahi me chala jaunga"

Rajveer ne use thamkar uthate hue kaha,

'' tum is vakt is haalat me nahi ho."

Rajveer use apne baajuo se sambhalte hue baathroom tak le gaya. Jay kafi kamjor ho gaya tha.

Rajveer ne use dono hatho se pakad kar apni najar fer li,

jay ke urine karne ke baad use laakar bed par lita diya aur doctor ko call kiya,

kareeb aadhe ghante ke baad dr. Aa gaya.

Doctor ne jay ka check- up kiya aur use ek injection lagaya. Aur Rajveer ke sath baahar aate hue kaha,

'' dekho Rajveer, i m not sure lekin mera exp. Kah raha he ki something is serious tum jay ko kal hospital le aao kuch test karne honge vese mene abhi injection de diya he jisse fever theek ho jayega. O.k chalta hu." 

itna kahkar dr. Chala gaya. RAJVEER vapas Jay ke paas aa gaya. Jay ke paas bethate hue Rajveer ne kaha,

'' tumhare Dad kaha he is vakt ...... ?"

jay ne bujhe hue man ke sath kaha,

'' me khud ki dekhbhal kar sakta hu. Mujhe unki jarurat nahi. "

Rajveer ne topic badalate hue kaha , '' chalo thodi si khichdi kha lo....."

itna kahkar Rajveer ne use sahara dekar bed par bitha diya aur apne hatho se khichdi khilane laga. Rajveer soch raha tha ki use padosi hone ke naate Jay ka khayal rakhna chahiye aur fir vo itna bura bhi nahi he. Tabhi jay ki aawaj se uska dhyan tutaa,

jay kah rahaa tha, "

ab nahi khana mujhe , mujhe khichdi pasand nahi he..."

Rajveer thode gusse me bola,

'' khichdi tast ke liye nahi khai jaati samajhe, abhi tumhe ye khaani padegi jaldi muh kholo."

Jay chupchaap khichdi khaane laga . Use khana khilaakar Rajveer ne use lita diya aur apne flat par aa gaya use hath se khichdi ka dibbaa lekar maa ne use khola vo khush hokar boli,

'' tune to kamaal kar diya Raj, are mua mere hath se to thoda si kha kar rakh deta he, kahta he , pasand nahi par tune to puri khichdi khila di theek he aaj se use khana khilaane ki jimmedaari teri he samajhaa........"

Rajveer ne beman se kaha , 

'' theek he maa, jesa aap kahe......"

dusre din Rajveer jay ko test ke liye hospital le gaya. Doctor ne uske blood, urine aur skin ke sample liye aur bataya ki 2 din baad report mil jaayegi. Tab tak unhone Jay ko admit kar liya, Jay ne to admit ke naam se hi pangaa kar diya vo naraj hokar bola,

'' jaraa sa bukhar hi to he.......... Admit karne ki kya jarurat he.?......mujhe nai rahna hospital me "

Rajveer ne use samjhate hue kaha,

'' Jay bachcho ki tarah jid nahi karte ."

Rajveer , '' jay do din ki hi to baat he......aur me aur maa roj aayenge tujhe milane "

jay ne maasumiyat ke sath Rajveer ka hath pakad kar kaha, 

'' dekho agar nai aaye to me bhaag jaunga hospital se..... "

Rajveer ne aankh maarkar haste hue kaha,

'' arey me jarur aaunga. Tujhe teri favourite khichdi bhi to khilani he."

Jay ne pyar bhare gusse me kaha ,

'' no, not again....."

shaam ko jab Rajveer apni maa ko lekar jay se milane gaya to vo maa se ese lipat gaya jese koi chhota bachcha ho, maa ne bhi use jee bharkar pyar kiya, jay Rajveer ko dekhkar haste hue maa se bola,

'' maa khuch jalne ki boo aa rahi he.....?? "

rajveer ko sach me usko mil rahe pyaar se jalan ho rahi thi maa ne kabhi uske alaawaa is tarah kisi par laad pyar nai kiya tha us par to sirf rajveer ka hak tha. Tabhi maa bhi raj ki taraf dekhkar hasti hui boli,

'' me to apane bachche ko esi tarah pyar karungi jise jalna he jalate rahe......"

is tarah hasi khushi me do din beet gaye aur doctor ne Rajveer ko apne chamber me report dene ke liye bulaya.

Rajveer doctor ke saamanewali chair par beth gaya, doctor ne bahut serious hokar kahaa,

'' samajh nahi aa raha kese kahu, jis baat ka mujhe dar tha vahi hua........."

rajveer ki saans atak gai usne apni tej hoti dhadkano ko kisi tarah kaabu karte hue puchha,

'' please dr. Tell me exactlly...........what u want to say....."

doctor ne sar jhukate hu kaha ki,

'' i m sorry to say Rajveer...........

Jay is a patient of Brain cancer ( malignant tumour) last stage....."

Rajveer ko apane kaano par bharosha nahi hua esa laga jese kisi bageeche se bahaar ne ekdam se muh mod liya ho, jese basant me patjhad aa gaya ho, jese atkheliya karti chidiyo ke jhund par koi baaj tut padaa ho. Use apne aap ko hosh me laate hue kaha,

'' iska koi treatment....???? "

dr. Apni chair se uth khade hue aur Rajveer ke paas aakar bole,

'' kuch therepy he, yoga he.....ham puri koshish karenge Rajveer...."

Rajveer ne doctor ki aankho me jhankkar puchha,

'' vakt kitna bacha he....???? "

doctor ne udaas hote hue kaha,

'' hardlly 6 month..."

Rajveer ekdam se apni chair se khadaa ho gaya, use itna badaa shock lagaa tha ki khud ko sambhalana mushkil ho raha tha fir bhi bahut himmat karke usne dr. Se kaha,

'' please doctor.......... Jay ko is baare me kuchh mat bataiyega."

Rajveer jese tese Jay ke paas aaya aur aankhe churate hue kaha,

'' Jay abhi kuch din aur yahaa rukana padega......" 

jay gusse me bola ,

'' par ab to mera fever theek he na fir kyu......."

Rajveer ne uske kandhe par hath rakhte hue kaha,

'' kuch complications he abhi...........!! "

jay ne puchha, '' kis tarah ke......? "

Rajveer ne taalate hue kahaa,

'' kuch nahi shayad kuch lever me problm he infection ka.."

Jay udaas ho gaya to Rajveer ne use apne seene se lagaa liya, ye pahli baar tha jab Rajveer ne jay ko lekar apne emotion express kiye varna uske man me ky hota tha ye padna bahut mushkil tha.

Rajveer ne apna time is tarah set kar liya tha ki vo subah hospital hote hue office jata vaha vo jay ko breakfast karata, use medicines deta aur shaam ko maa khana lekar wahi hospital aa jaati aur teeno milkar khana khaate. Aur jam kar udham karte. Inhe dekhkar koi nahi kah sakta tha ki jay inka family member nahi he. Yahaa tak ki hospital ke doctor bhi is family ko dekhkar aashcharychakit the. Is tarah ek month beet gaya, Rajveer ne jay ke Dad ko bhi ye baat phone par bata di thi vo bhaage bhaage aaye the par apne jay ko in logo ke pyar ke saaye me mahfooj dekhkar bahut nischint ho gaye the. Vo to jaana nai chah rahe the par Rajveer ne unhe bharosha diya ki vo jay ki chinta na kare vo he jay ke paas. Unhe jaakar apna business sambhalna chahiye . Is wajah se unhe jaana pada.

Ek maheene baad jo report aai unme kaafi improvement thi. Doctor aur Rajveer khush the. Vakt teji se beet raha tha aur jaate hue vakt ke har pal ke sath jay theek ho raha tha.

Kareeb 4 month ke beet gaye. RAJVEER ek din subah hospital pahucha to dekha jay hospital staff ke sath cricket khel raha tha...

Rajveer ek ped ki aut me chhipkar Jay ko khilkhilaate hue dekh rahaa tha,

Rajveer doctor ke paas milne pahucha to doctor bahut excited hokar bole,

'' I m speechless Rajveer.......don't knw what to say...!!!

Its a miracle ..!!!!!! 

Mene apni puri life me esa case nahi dekha. JAY ki saari reports normal he..."

Rajveer khushi se uchal pada aur cheekhte hue bola,

'' r u sure.....doctor.."

doctor, '' Ya i m 100% sure...."

Rajveer, '' to aap kab jay ko discharge karenge.??"

doctor, '' ek week ke baad. Tab tak hamare expirt ka final view bhi aa jayega jay ke case ko lekar

lekin ek baat jarur kahunga jay ko hamari dawaaiyo ne nahi aapke pyar ne theek kiya he. Mene itna pyar karne wali family aaj tak nai dekhi "

Rajveer ne unhe thanks kahaa aur daudta hua jay ke room me pahucha aur use goad me utha liya, jay haste hue bola,

'' Aapko kese pataa chala ki hamaari team ne match jeeta he..."

Rajveer ne use baanho me bharkar uska maatha chumate hue kaha,

'' Jay tumane aaj sabse badi jang jeet li .."

Jay ne khush hokar puchha,

'' to kya mera cancer theek ho gaya ?? "

Rajveer ekdam bhaunchakka ho gaya use puchha,

'' tumhe pata tha...?"

Jay ne sahaj bhav se kaha,

'' haa, bahut pahle se..."

Rajveer ne use chhati se kaste hue kaha,

'' ise ek bura sapna samajh kar bhul jao "

Jay ne Rajveer ki dhadkano ko mahsus karte hue kaha,

'' ye meri jindgi ka sabse achcha vakt tha...."

Rajveer , '' kuch kaha tumane ...? "

jay , '' kuch khash nahi "

Rajveer agle din jab apne office pahucha to usne dekha ki uska pura chamber phoolo ke guldasto se mahak raha tha. Har guldaste par ek note likha tha,

'' Shukriya ......"

Rajveer ne peon ko apne paas bulakar puchha ki ye kisne bheje he to vo usne kah diya sir mujhe nai pata. RAJVEER apni chair par betha hi tha ki uske mob. Par ek unknwn no. Se msg aaya,

'' mene kabhi nahi socha tha ki mujhe khichdi se aur khichdi khilane wale se pyaar ho jaayega..........

me aapke hath se saari umr khichdi khana chahta hu.

I LOVE U RAJVEER ..."

Rajveer us msg ko padkar soch me pad gaya. Use kabhi jay ki is feeling ka pata nahi tha aur Rajveer pure strght ladka tha jo gay ladko se nafrat karta tha. Use lagta tha ki gay hona koi mental dis-order he. Rajveer ko jay par gussa bhi aa raha tha. Shaam ko jab Rajveer hospital pahucha to Jay kaafi nervous lag raha tha . Usne jay pahli baar gaur se dekha, lamba chauda kasrati badan aur bilkul normal man ki tarah tha. Vo sochane laga ki jay gay kese ho sakta he. Idhar jay ne rajveer ko dekha to pahli baar apni najar sharam se jhuka li thi use dil kisi engine ki tarah teji se dhadak raha tha. Use pakka yakeen tha ki Rajveer uske pyar ko apna lenge,

Rajveer ne aaj usase kaafi rukhepan se baat ki. Jay ko laga shayad office ka koi tension hoga isliye usne Rajveer se aaj us baare me baat karna munaasib nai samjha. RAJVEER ne pahli baar jaate vakt use gale nai lagaya. RAJVEER raat bhar is masle par sochata raha aur usne faisala kar liya ki use kya karna he. Jab ek week ke baad Jay discharge hokar ghar aa gaya to Jay ne Rajveer ko shaam ko milane ke liye kaha,

shaam ko Rajveer office se ghar aakar fresh hua aur seedhe Jay ke flat par pahuch gaya. Kareeb raat ke 9 baj rahe the jese hi Rajveer ne andar enter kiya to vo dang rah gaya, pura kamra ese sajaa hua tha ki kisi ki suhaagraat ho. Saamane table par dher saare candles jal rahe the aur pure kamre me gulaab ki mahak daud rahi thi. Madhdham roshni me kamra kisi jannat ki tarah lag raha tha tabhi Jay saamne aa gaya. Blue jeans aur white t- shirt pahne hue Jay bahut khubsurat lag rahaa tha. Uski neeli aankhe khushi se chamak rahi the uska jawaan jism ka har muscle fadak raha tha. Vo Rajveer ke kareeb aaya aur apne hath ki hatheli se Rajveer ki aankho ko dankate hue bola,

'' me aapse najar mila kar nahi kah paaunga , isliye aapki aankhe band kar di he.......

Ham aapse bahut pyar karte he Rajveer. Kya ham is layak he ki aapke har kadam har safar par aapka saaya bankar aapke dil me bas jaaye, aapki chaahat ban paaye. "    (to be continue......)