Warning : This is totally fictional story so please ise apne real life se na jode au rise sirf ek story ke taur pe dekhe.
“My Dad Is gay …!!”
“ye lo nashta kar lo jaldi se fir mujhe bhi hospital jana hai.” Puja ne Rohit ko nashta dete huye kaha.
“aaj papa late kaise hogaye uthne me” Rohit ne chai ki ek sip lete huye kaha.
“tumhari ladli hai na raat ko khud bhi nahi soyi aur papa ko bhi nahi sone diya. Dadu dadu krke pagal kr diya tha”
“ gud mrng Puja, gud mrng Rohit” shekhar apne bedroom se bahar nikla.
“gud mrnd dad, aapki nind to puri hogayi na” Puja ne Shekhar (her father-in-law) ko chai dete huye pucha.
“are bahot achhi nind hui meri… achha sun mujhe tiffin hi de de me bahar jarha hu aaj” Shekhar ne Puja se kaha.
“nahi papa aapko tiffin nahi milega aap yahi kha lijiye” Puja ne mana karte huye kaha tabhi dining table pe newspaper padh rhe rohit ne bola,
“are de do na tiffin me mana kyu kr rhhi ho”
“aapko nahi pata, ye bahar jake garibon ko khila dete hai fir khud bahar se kuch bhi kha lete hai aur hojati hai tabiyat kharab isliye papa aap pehle kha lo aapko un bachhon ko dena hai to me alag se pack krke deti hu”
“bhabhi, jaldi se chai dijiye mujhe late horha hai me nashta nahi karunga” Pratik apne room se bhagte huye aaya aur Puja ke piche aake khada hogaya.
“are aaj kaha jarha hai tu itni subah itni jaldbaji me.” Shekhar ne pucha.
“papa, aapka beta aaj date pe jarha hai”
“ohh teri… kon hai woh Pratik babu jo aapke sath date pe jane ke liye ready hogayi” rohit apne bhai ke maje le rha tha.
“bhai, aapko pata nahi mera kya jalwa hai clg me.. par bhai I love her yaar badi mushkil se ready hui hai aane ke liye wish woh mujhe ha bol de to life set hojaye” Pratik senti huye jarha tha, “chalo yaar mujhe ab late horha hai…… bye all” bolke Pratik bahar nikalne laga tabhi Shekhar ne use awaz di,
“oye ruk.”
Dad ki gussewali awaz sunke woh dargaya. Mudke usne papa ki taraf masoom bhari najron se dekha.
“itni garmi me use bike pe lejayega date pe gadhe bhag jayegi woh bich me. Ye le meri car leja” Shekhar ne chabi dete huye kaha.
“omg… dad I love u.. u r the best dad in the world”
“ha chal chal ab maska mat laga chabi mil gayi na bhag yaha se.” shekhar door ki taraf smile krte huye Pratik ko jate huye dekh raha tha.
“dad aapne ise kuch jyada hi sar pe chadha rakha hai” Rohit ne shekhar se kaha.
“achha beta, jab tu Puja ko pehli baar date pe lejarha tha tab to aisa nhi bola..”
Ye sunke Puja sharma gayi aur Rohit aur shekhar hasne lage.
“but on serious note, Rohit, tu aur Pratik tumdono meri strength ho, mujhe mere bachhon pe pura bharosa hai and bas isiliye bachpan se maine tumdono ko Maa baap ke sath ek dost ki tarah pala hai taki baki families me jo dad-son relation me barrier hota hai woh hamare bich na rahe, tumdono apni sari baate mujhse share kar sako aur dekho I am successful…. Meri family worlds best family hai… 2 bete 1 pyari si bahu aur ek chotisi gudia…. Tumhari maa ke jane ke baad mujhe sabse jyada tention yahi tha ke me akela mere dono bachhon ko kaise palunga unhe achhe sanskar kaise dunga.
Par fir dekha mujhe to jyada mehnat krni hi nahi padi mere dono bachhe itne samajdar nikle unhone hamesha mera sar ucha rakha hai aur aaj me tumdono pe aankhe band krke bharosa kar sakta hu ke tumdono kabhi kuch galat faisle nahi loge. Isliye maine uswaqt tujhe nahi roka aur aaj Pratik ko… aur dekho mera decision ka fayda, Puja se pyari aur honhar bahu is ghar me koi aasakti thi bhala.. apne ghar ko hospital ko kitne achhe se sambhalti hai……… I m proud of u beta.” Shekhar bolte bolte emotional hogaya.
“ha ha bahot hogayi tarif chaliye pohe khatm kijiye fatafat aur Rohit aaj tumhe chutti hai to please nona ka dhyan rakhna kyunki papa bhi bahar jarhe hai.” Puja ne emotional scene ko break dete huye kaha. Aur hospital chali gayi.
--------------------------------------------------------------------------------------------------------------------
So abtk to aap samajh gaye honge story ke characters.
Maharashtra ke Nasik city me rehnewali ek happy family. Dad (shekhar), 2 bete, 1 bahu aur ek bade bête ka bachha. Shekhar basically Mumbai se tha par shadi hone ke baad job ki wajah se Nasik me shift hogaya tha. Pratik ke delivery ke waqt complications ki wajah se uski wife ki death hogayi thi tabse usne akele ne dono bachhon ko bada kiya. Aaj woh retire hogaya tha aur Nasik me hi apne family ke sath bahot khush tha..!!
---------------------------------------------------------------------------------------------------------------------
“hushhhh thak gaya aaj to aaj kuch jyada hi lamba walk le liya… hehehe retirement ka yahi fayda hai koi tention hi nhi kuch bhi karo”
Shekhar hall me aake Rohit ke samne baith gaya. Rohit hall me hi paper padh rha tha.
“are tu kya retire aadmi ki taraf dinbhar paper padhta rehta hai re”
“are dad ye news padh rha tha dekho, next week apne Nasik me gay pride march hai. Koi Suraj Menon head hai inka”
“kya? Kya naam bola?” News sunke Shekhar ke expressions achanak badal gaye.
“ koi Suraj Menon hai Mumbai se” Suraj menon ka naam sunte hi Shekhar ne Rohit ke sath se paper le liya aur news detail me padhne lage.
“Dad aap kya sochte hai in homosexuals ke bare me?” rohit ne shekhar se pucha.
“ha…… woh…. “ Shekhar kuch bol nahi parha tha use kisi baat ka shock laga tha jiski wajah se woh thoda unstable hogaya tha.
Tabhi Pratik waha aagaya.
“ are agar do aadmi ekdusre ke sath khushi khushi rehna chahte hai to saala hame kya jarurat hai unhe bich me tang adane ki…… love is love that’s it.. me to support krta hu unhe… khair chhodo ye baat pehle ye suno good news….. Shweta ne 90% ha bol diya hai………. Yupieeeeeeeeeee”
Pratik bahot khush tha aur ye baat sunke Rohit bhi khush hogaya par Dad ka undono ki baton pe dhyan hi nahi tha.
“hey me bahot thak gaya hu me room me jake aaram karta hu” bahana banake Shekhar apne room me chale gaye.
“are inhe kya hogaya kuch bola bhi nhi congrats n all” Pratik ne bola.
“are kuch nahi dad thak gaye hai aaj jyada walk le li isliye chal tu mujhe detail me bata teri date” Rohit ne excitement me pucha.
--------------------------------------------------------------------------------------------------------------------
“excuse me, ye Suraj Menon kaha milenge” Shekhar Suraj ko dhundhne gay trust me aagaya tha jaha gay parade ki tayariya chal rhi thi.
“Suraj sir? Woh us room me hai meeting lerhe hai aap jasakte hai waha” ek activist ne shekhar ko room ka rasta dikhaya.
Shekhar jaise hi room me pohocha waha 8-10 ladke baithe huye the aur ek aadmi unhe instructions derha tha. Blue shirt aur black trouser me shekhar ki taraf pith krke woh aadmi baate kar raha tha. Shekar jaise jaise ander jarha tha uski dhadkane tej horhi thi. Aakhon ke samne andhera chha rha tha. Bechaini badh rhi thi to dar bhi badh rha tha. Ekbaar to usne socha rehne do wapas chalte hai par fir apna man banake woh ab us aadmi ke just piche jakar khada hogaya.
“chalo sablog fatafat kaam karo kaltak sare posters lag jane chahiye samjhe move fast” bolte huye Suraj ek paper me kuch padhne laga.
“Suraj” kaaptihui awaaz se suraj ne apna naam suna to woh shocked reh gaya. Usne piche mudke dekha. Aur ab to uski heartbeat ruk gayi.
2 min ke liye mano sara jahaa freeze hogaya tha. Suraj aur Shekhar ekdusre ko bas dekhe jarhe the kisike muh se ek word bhi nhi nikal raha tha.
Suraj kuch bole isse pehle Shekhar ne use tight hug kar liya. Shekhar ne Suraj ko itna tight hug kiya mano kisi dare huye bachhe ko Maa dikh jati hai to woh apni maa ko jaise kas ke pakadta hai taki maa use fir kbhi chhodke na jaye. Shekhar aur suraj dono ki aakhe nam hogayi. Par thodi hi der me suraj ko kuch yaad aagaya aur usne shekhar ko dhakka deke aage aagaya.
“yaar jane se pehle sirf ek baar meri baat sun le please”
“waah teri baat sunu me…. Aur kyu? Ek ladka mujhe milta hai pyar hota hai aur jab sath rehne ki bari aati hai to woh ladki se shadi krke settle hojata hai. Aur aaj 30 saal baad wapas aata hai batane ke jo maine tab kiya tha woh galat nahi tha…
Are tumjaise darpok, kayar log pyar krne ke layak hi nahi hote samjha tu so now please ja yaha se mujhe bahot sare kaam hai” Suraj bahot gusse me bolke jane laga.
“sun to, ek samosa khaye sath me” shekhar ne jor se bola.
Uski ye baat sunke suraj wahi ruk gaya aur……dono samosa khane chale gaye.
“tujhe yaad hai 30saal pehle humdono samose ke liye kitne pagal hote the” shekhar ne yaad dilate huye kaha.
“hahahha, yaad hai roj ek hi jagah jate the aur ek hi plate me khate the. Woh ujala hotel waha fir to order dene ki bhi jarurat nhi padti thi hame dekhte hi woh samose le aata tha.” Ab dono ek ek krke purani baate yaad karne lage aur jor jor se hasne lage mano dono ke purane din wapas aagaye the.
“tum usdin kyu nahi aaye shekhar agar usdin himmat kar leta to aaj humdono kitne khush hote” suraj ne emotional hokar kaha.
“usdin kya hua me tujhe batata hu” kehke shekhar use batane laga.
---------------------------------------------------------------------------------------------------------------------
“ha papa me gay hu”
“kya? Are aisa kuch nahi hota tum bas confused ho isliye tumhe aisa lag raha hai. Shadi hojayegi to sab thik hojayega.”
“dad me itna bhi murkh nahi hu ke apni feelings na samajh pau… aur papa me gay hu aap mano ya na mano mujhe ek boyfrnd bhi hai aur mujhe apni puri life uske sath bitani hai”
“lo sun lo iski baate, ladke ke sath shadi krni hia ise.. are khud to nark me jayega hame bhi dhakel rha hai khud ke sath. Log kya kahenge samajh hasega humpe. hijde bête ka baap bolke thukenge humpe”
“mom dekho na papa kaise baat kar rhe hai aap bolo na kuch”
“ mujhe koi gay beta nahi hai, ye sab tv dekhke horha hai tujhe.. suno ji iske liye jaldi se ladki dekhna shuru karo aur shadi kar do iski.”
“mom, me kuch bhi hojaye ladki se shadi nahi karunga mujhe suraj ke sath rehna hai bas”
“waah beta apne aap decision le hi liya to bata kyu raha hai ab, kabhi socha hai tere is gire huye kaam ki wajah se teri choti behen ke liye koi rishta nahi aayega.. aise family se kon rishta jodega jiska beta chakka hai.”
“mujhe woh kuch nahi pata mujhe bas apne sapne pure karne hai”
“to hamara bhi faisla sun le shadi krega to hi is ghar me reh sakta hai warna tere liye is ghar me koi jagah nahi”
“thik hai me abhi jata hu yaha se”
Kehkar shekhar apne kapde pack krne laga.
“hello suraj, me aarha hu tere yaha hamesha ke liye”
Packing krte waqt Shekhar ki choti behen uske pas aagayi.
“bhaiyya, agar aap aisa kuch karoge to meri shadi nahi hopayegi, mujhe ghar me baithna padega hamesha ke liye koi mujhse shadi ke liye ha nahi bolega.. mere liye ruk jao bhaiyya warna sabki life spoil hojayegi… kya hame dard dekar aap apni life start karoge” sis ne apne hath jodte huye Shekhar se baat ki aur behen ki aansuon me Shekhar ke packing krnewale hath rok diye aur Shekhar ne haar man li.
“dad, I am ready for marriage” kehkar shekhar ne apni puri life apne sis ke liye sacrifies kar di.
--------------------------------------------------------------------------------------------------------------------
“ek baat bolu tumhe?” Suraj ne shekhar ki puri baat sunke usse sawal kiya.
“tujhe mujhse ijajat lene ki jarurat kbse padne lagi re”
“apni family ke khushiyon ke liye life ka sacrifices krna, ye hamesha se gays krte aaye hai and ye himmat sirf ek gay me hoti hai… maine tujhse pyaar kiya tha Shekhar and now I m proud of my love”
Suraj ki baate sunke shekhar ki aakhon me pani aagaya.
“tu kaisa hai? Aur uske bad teri life? R u with someone?” shekhar ne pucha.
“hahaha, tere meri life se jane ke baad mano zindagi khatm hogayi thi meri.. nafrat krnelaga tha tujhse pyaar naam ke shabd se.. vishwas uth chuka tha insab baton se par kuch months baad ek ladka aaya meri life me firse pyarki ummid jagake woh bhi chhod ke chala gaya. Fir faisla kiya ke ye pyar ke chakkar me kabhi padunga hi nahi. Ye sab mere liye hai hi nahi aur bas tabse ye LGBT activist ban gaya aur isi ke liye kaam kar raha hu taki aage koi behen apne shadi ke liye apne bhai ki zindagi na mange” suraj plate ki taraf dekhke bol rha tha.
“pata hai shekhar me tujhse itni nafrat krnelaga tha ke maine socha tha agar tu galti se bhi mere samne aajayega na to tera kbhi muh na dekhunga par aaj dekho tujhe dekh liya aur woh sari nafrat woh sara gussa ek jhatke me chala gaya. Woh 30saal tere ek najar se dhundhle hogaye aur bas woh pyar ke din hi dikh rhe hai………. Shayad isi ko pyaar kehte honge na.”
“ha suraj, sach me… shayd bhagwan bhi hame juda karke roya hoga isiliye to usne hame fir se milwaya”
“chal ab me chalta hu late horha hai gharwale wait kar rhe honge” kehkar shekhar waha se uthne laga.
“suno, kal kya kar rhe ho?” suraj ne pucha.
“kuch nahi”
“movie dekhne chaloge?” suraj ki baton ne shekhar ke chehre pe hasi la di.
Aur woh pyaar bhare puranedin wapas aagaye. Suraj aur shekhar roj milte the. Shekhar suraj ko kaam me help krta tha.
Aajtak apne family ke liye jinewala shekhar aaj achanak khud ke liye jine laga tha. Mano khushiya laut aayi thi uski life me kyunki uska pehla pyaar uske ujad dil me barish banke aaya tha aur woh us ped ke suke patte ke jaise us barish ke pani me behta chala jarha tha aage ki parwah kiye bina.
---------------------------------------------------------------------------------------------------------------------
“hey Pratik kya tumne ek baat notice ki” Puja pratik se hall me baat kr rhi thi.
“kya bhabhi?”
“ye aajkal papa kuch jyada hi khush nhi rehte? Hoteling , movies kuch jyada hi badh gayi hai…”
“kya hogaya rani sahiba” Rohit bhi office se aagaya.
“waise ye to me bhi notice kar raha hu” Rohit ne bag rakhte huye kaha.
Tabhi shekhar ghar pohochta hai.
“papa, jaldi batao kon hai woh aunty” pratik ne aate hi shekhar se sawaal kiya
“aunty? Konsi aunty?”
“wahi aunty jise aap roj date krte ho aur ab to akele akele blush bhi krte ho” Rohit ne dad ko chidate huye kaha.
“are koi aurat nahi hai gadho, mera college ka frnd mila hai 30saal baad yaha kisi kaam se aaya hai bas hum roj clg ke din yaad krte hai aur masti krte hai” Shekhar ne explain krte huye kaha.
“papa fir apne frnd ko kabhi ghar pe le aao na dinner ke liye unhe bhi achha lagega” Puja pani dete huye boli.
“are ha ye to bahot achha Idea hai… me use kal hi bulata hu dinner ke liye” shekhar excited hogaya tha is baat se ke ab dinner ke bahane woh suraj ko apni family se milwayega.
--------------------------------------------------------------------------------------------------------------------
Dusre din suraj Shekhar ke ghar aaya. Shekhar ke bachhe pura parivar dekhkar woh bahot senti hogaya hai. Shekhar ka beta itna bada uske samne khada tha ye feeling hi uski aakhon ko bhigo gayi.
Sabne milke dinner kiya baate ki aur fir Shekhar aur suraj walk ke liye bahar aagaye
“kya hua suraj, aaj tu itna chup chup kyu hai? Kyu prblm hai kya?” Shekhar bahot time se suraj ko notice kar raha tha.
“aaj maine Pratik aur Rohit ko dekha to pata nahi kyu dil bhar aaya mera, tere bête itne bade hogaye unme tera ansh dikhta hai yaar pata nahi kyu mujhe aisa lag raha tha mano woh mere hi bête ho. Woh eksas kitna khubsurat hota hoga na apna khud ka beta….”
“ suraj r u ok?”
“nahi yaar, aaj teri ye family dekhke I feel ke maine zindagi ke kitne khubsurat hissa miss kiye hai. Ha I knw tune bahot badi kimat chukai hai iski par shekhar yaar aisa kyu hota hai hamesha ke gay ko family or partner do me se koi ek ko hi choose krna padta hai, woh dono ke sath kyu nahi reh sakte… and u knw isi baat ke liye me ladh rha hu taki aage jake koi suraj paida na ho jiska pura parivar hoke bhi woh anath aur akele zindagi jiye.”
“suraj tujhe yaad hai aise hi family ke sapne humne bhi dekhe the na.. eksath rahenge 2bachhe adopt krenge. Khushiya hongi life me.” Shekhar purane din yaad kar raha tha.
“ha yaar woh din kitne khubsurat the, par uswaqt hum itne nasamajh the ki hame samjha hi ki gays ko sapne dekhne ka haq nahi hota... par ab itne saalo baad ye din aayenge maine kabhi socha nahi tha. Shekhar sach me yaar ab to humne hamari zindagii ji li hai kaise bhi krke ab budhape me kisike sath ki jarurat hai. Ab ye akelapan nahi saha jata yaar. I knw teri family hai aur tu nahi desakta mera sath aaj bhi par bas ek khayal aagaya dil me ke life ke in aakhri palo me aaj tu mere sath hai pata nahi kbtk par aaj to tu mere sath hai man karta hai ye pal hamesha ke liye kaid kr lu. Woh 30saal ke sare gham gile shikwe bhul gaya hu me. Hamesha dil me jalan rehti thi par aaj me satisfied feel kar raha hu teri wajah se. sach me pyar me kitni taqad hoti hia na.”
“ye lo karan johar ji aapka rest house aagaya, baki ki baate kal ke liye rakho thik hai, gud nite”
Dono ne ekdusre ko hug kiya aur dono apne apne ghar chale gaye.
Ek aur khubsurat dil khatm hogaya. Dono ko pata tha ki ye pal sirf kuch dino ke mehman hai ekdin to Suraj ko jana hi padega par fir bhi woh in dino ko puri tarah se jeena chahte the kyunki kahi na kahi aaj dono hi akele the.
---------------------------------------------------------------------------------------------------------------------
GAY PARADE day:
Suraj speech derha tha,
“ ek straight ladka jis age me ground pe sports khelke enjoy kar raha hota hai us age me ek gay ladka apni identity sexuality se fight kar raha hota hai. Aur jab apne aap ko accept kar leta hai aura age ki life ke sapne dekhta hai to use samajh me aata hai ke jo sapne usne dekhe woh sirf sapne hi rahenge aur kuch nahi. Aur shuruat hoti hai uske sacrifices ki. Har baar kabhi parents ke khushi ke liye, kabhi siblings ki khushiyo ke liye fir wife ki aur end me bachhon ki khushiyon ke liye woh ladka har kadam pe apni ichhaye, khushiya sabta tyag karta rehta hai fir bhi uske chehre pe smile hoti hai iswajah se ke maine jo kuch bhi kiya par mere family ke chehre pe aaj smile hai.
Aur agar woh apne dil ki sune to bas use gharwale apne se dur kr dete hai, dost dushman ban jate hai. Aur reh jata hai akelapan. Ye to gays ki baate hai transgender ki situation aur bhi kharab hai.
Ek straight ladka family ke against jakar sabke sapne todkar love marriage krta hai fir bhi society use accept kar leti hai par ek gay ladka family ke khushiyon ke liye apne sapne todta hai par use aaj samaj me ijjat nahi.
Par hame is situation ko badalna hai, gay ko aakhir ek ladki se hi shadi krni padti hai and yahi practical life hai aisa bahot log bolte hai par me manta hu ye gays ki practical life nahi hai ye woh life hai jo society ne humpe thopi hai. Hame logon ko dikhana hai ke hum koi comic characters nahi hai jo movies me sirf hasne ke kaam aate hai, hum koi sex seekers nahi jo sirf jism ki bhuk jante hai… hum unhi ki taraf insaan hai jiska bhi dil kisiko dekhke dhadakta hai.. jise bhi kisise sachha pyaar hota hai… aur jo apnon ki khushiyon ke liye kuch bhi kar sakte hai and aaj tak karte aaye hai.
Hame law and legal karne se jyada important hai samaj ka najariya badalna, samaj me ijjat milana……. Acceptance….
Isliye bolta hu ek ideal beta, ideal bhai, ideal student jab khul ke bolega I am proud to be gay tab hamari condition change hongi. Daro mat khul ke bolo kyunki sexual orientation hamari identity nahi identity ka ek chota sa hissa hai bas…”
“oye suraj, itna samajdar kabse hogaya tu? Kitna achha bola hai aaj tune” shekhar suraj ki tarif kar raha tha.
“hehehehe…….. chal tarif khatm hogayi ho to kuch khate hai”
Aur dono khana khane ke liye chale gaye.
---------------------------------------------------------------------------------------------------------------------
“Puja, shekhar bhaiyya kaha hai?”
“are bua ji aap yaha achanak, papa to apne room me hai kyu kya hogaya?” Puja ne sawaal kiya par bua bina jawab diye hi shekhar ke room me chali gayi.
“ye kya hai bhai?”
“kya hua tujhe?”
“aapki photo aayi hai aaj ke paper me… gay parade me gaye the tum.. sach sach batao bhaiyya woh ladka suraj woh wahi hai na”
“ha woh wahi hai” Shekhar ne uncomfortable hoke jawab diya.
“ohh shitt jiska dar tha wahi hua. Matlab itne salo tak hame laga shadi ke baad aap thik hogaye par nahi aapne woh kaam shuru hi rakhe apne. Bhaiyya ab to sudhar jao poti hia ek tumhari aur ladke ke sath ishq farmarhe ho. Aapne to kaha tha ki aapne sabkuch chhod diya par nahi shadi ke baad bhi aapne wahi shuru rakha chhiii mujhe to soch ke bhi kitna ganda lag raha hai. Are kisi aur ka nhi to apne bachhon ke future ke bare me to socho aisi gandi harkat karne se pehle. Jab sabko pata chalega to kya hoga, sab log thukenge chidayenge ke aapka baap gay hai.”
“are rekha pehle meri baat to sun bole hi jarhi hai.”
“bhai mujhe kuch nahi sunna bas aaj ke aaj aur abhi aap ye sab band kr denge bas baat khatm aapko aapke bachhon ki kasam”
Bolkar bua waha se chali gayi par yaha Puja ne sabkuch sun liya tha. Puja bahot jyada shock me thi. Tabhi Rohit aagaya aur Puja ko ajib sa dekhkar puchne laga par Puja ne use kuch bhi nahi bataya.
Fir Rohit ne bhi paper me shekhar ki pic dekhi to use shaq hua ke kahi na kahi Puja ke ajib behavior ka ye reason hosakta hai. Usne Puja se direct topic pe baat ki tab Puja ne use aaj ke incidence ke bare me bataya aur Rohit direct apne papa ke pas chala gaya.
“papa, kya ye paperwali baat?”
Rohit ki baat sunke shekhar ko samajh aagaya tha ki ab woh ye sab chupa nahi sakta aur Puja ne sari bate sun li hai ye bhi use pata tha so usne gardan hila ke ha me jawab diya. Shekhar ki aankhe jhuki hui thi. Aur use samajh aagaya tha ke ab kuch bahot bura honewala hai.
Rohit ne dad ka jawab suna aur bina kuch bole apne room me jakar sogaya.
Aur fir shuru hogaya ek sannata… ek hasta khelta ghar ek sach se khamosh hogaya. Ab harkoi ekdusre ko avoid krnelaga tha. Sath me khana khana band hogaya. Rohit subah jaldi office chala jata tha aur sham ko late aata tha taki use apne dad ko face na krna pade. Pratik ka bhi wahi routine ban gaya tha.
Aur yaha shekhar ek baar fir tut gaya tha. Usne suraj se milna band kar diya. Akele akele dinbhar kuch sochta rehta tha. Ghar ki khamoshi use katneko daudti thi. Uske bachhe usse baat nahi kar rahe ye baat usse bardash nahi horhi thi. Aur ab is samay use sabse jyada jarurat thi suraj ki par woh suraj ko milna nahi chahta tha taki prblm aur na bigde.
--------------------------------------------------------------------------------------------------------------------
5 dino baad :
“ye sab kya chal raha hai Rohit, Pratik?” Puja ne chuttiwale din dono ek hall me bithake sawal kiya shekhar uswaqt ghar me nahi the.
“kya kya chal rha hai bhabhi?”
“tum achhi tarah se jante ho me kis bare me bol rhi hu.. are avoid krne se ye prblm solve honewali hai kya?Hame ise maturity se handle krna padega.. Rohit tum bade ho na tum baat karo Papa se unki prblm samjho unko kuch bolne ka mauka to do. Aise avoid krke and baat na karke koi solution milega kya? And u knw tumdono ki aisi harkaton ki wajah se unhe kitna hurt hua hai? Yaha tak ki woh to aajkal mujhse bhi aankhe nahi milate.”
“Puja, me samajh rha hu ye sab par itna sensitive topic hai samajh nahi aata dad ke samne kaise shuruat karu kya bolu…kaise bolu… I feel embarrassed” Rohit ne bola.
“embarrassed? Tum to dad ko apna best frnd mante the fir? Apni love story to achhe se discuss ki thi unke sath to ab kya? Aaj unhe tumdono ki sabse jyada jarurat hai. Woh pyaar me hai rohit unko to samjho” Puja ne samjhate huye bola.
“par bhabhi jab bhi sochta hu ke MY DAD IS GAY bahot ajib lagta hai accept nahi kar pate. Log kitna hasenge humpe majak udayenge. And waise bhi I m still in shock ke dad is gay???????? Yuck” Pratik bol raha tha. Tabhi Puja ne bolna shuru kiya,
“yuck? Isme yuck kya hai? Aaj tumhe pata chala ke tumhare papa gay hai to yuck lagne laga kaltak to woh world ke best papa the tumhare liye. Unhone harbaar har situation me tumhara sath diya hai aaj unhe pehli baar tumhari jarurat hai to tum unke sath nahi ho…. Rahi baat gay ki to Pratik tum mass communication ke student ho na kya mujhe what is homosexuals pe lecture dene ki jarurat hai tumhe?
Aur rohit tum bhi to jante ho gays kya hote hai.. ye koi choice se nahi aati insaan jo hai woh hai aap use badal nahi sakte par accept krke situation sambhal to sakte ho.
Dekho sirf ekbaar unse baat karke dekho aage ki aage dekhenge aur ye kabhi mat bhulna aaj humsab yaha hai to sirf unki wajah se and aankhe band krke ekbaar socho kya unse achhe papa tumdono ko mil sakte the? Kya unhone kabhi bhi koi kami ki? To aaj tum unke achhe bachhe kyu nahi ban sakte. Woh thak gaye hai Rohit unhe ek partner ki jarurat hai aur aaj woh partner unke pas hai jarurat hai hamare decision lene ki.”
Puja to bol rahi thi par abhi bhi Rohit aur Pratik fully convinced nhi huye the.
“waise tum keh to sahi rahi ho, I think hame direct baat krni chahiye dad se. kal subah baat karte hai. Aur me Rekha bua ko bhi bula lunga taki kuch serious discussion hopaye”
Tabhi shekhar aagaye, sabko eksath hall me dekhkar unka bahot man kiya ke sabse baat kare par fir unhone socha shayad koi baat karne ke mood me na ho isliye woh apne room me jane lage tabhi Puja ne Rohit ko ishara kiya to Rohit ne Dad se kaha,
“Papa, khana kha lijiye na”
Rohit ki ye baat sunke Shekhar bahot jyada khush hogaya mano bade arse ke baad usne papa naam suna tha.
Shekhar fresh hokar dining table pe baith gaye aur Puja ne unhe khana parosa aur tabhi Rohit aur Pratik apne apne room me chale gaye.
“papa, unhone kha liya aap khaiye me hu na aapko company dene ke liye”
Shekhar ne ek smile di aur khana khane lage aur yaha Puja unse normal baate karne lagi.
---------------------------------------------------------------------------------------------------------------------
Next day :
“papa hame shayad is baat ko discuss krna chahiye… aap gay hai aur… aur… “ rohit soch raha tha ke kya bolu aur tabhi door bell baji. Rekha bua aagayi thi.
Usne aate hi bolna shuru kar diya.
“tumlog is baat ko itna importance kyu de rhe ho. Aisa kuch nahi hai 30saal pehle bhi aisa hi hua tha us ladke ne bhai ko behka diya tha aur aaj bhi wahi ladka wapas aake firse bhai ko bhadka raha hai that’s it. Agar bhai gay hote to shadi ke baad tumlog kaise paida hote? Tum bhi to socho bachho bas ab ye baat yahi khatm karo and I am sure bhai ko bhi ab koi confusion nahi hai so topic closed sab pehle jaisa normal hojaye. Bas us Suraj naam ke ladke se dur raho tumsab woh haramzada bas dusron ki life barbad krne ke liye aata hai khud to na ladka hai na ladki aur dusron ko bhi behlata rehta hai.”
“mind ur language Rekha, Suraj ke khilaf mat bolna kuch” Shekhar rekha ki baton se gussa hogya tha.
“ kya? Aap abhi bhi wahi ho? Are apne nahi to apne is family ke bare me to socho, thukenge log inke muh pe, tum to budhape me rangraliya manaoge. Aapke isi harkaton ki wajah se hi shayad bhabhi…”
Rekha kuch bolne hi jarhi thi ke uski baat sunke Pratik chilla pada,
“dad…?????????? Iska kya matlab? Sach sach boliye dad mom ko pata tha kya? Kahi aapki wajah se mom ki death to???”
“pratik ye kya bol rhe ho tum?” Puja ne pratik ko tokte huye kaha.rohit shant tha.
Harkoi ab shekhar pe aarop kiye jarha tha and abhitak shekhar chupchap bas sun rhe the. Pata nahi woh konsi baat thi jo unhe roke rakhi thi.
“dad… I ashamed of u… I hate u dad…. I really hate u mere pass bhi mat aana kabhi”
Bolkar Pratik waha se chala gaya aur niche bike nikalke bahar chala gaya.
“dekha bhaiyya, aapne apni family tabah kar di……. Aapke jitna selfish aadmi maine aajtk nahi dekha”
Rekha ki ye baat sunke ab shekhar ka bandh tut gaya.Rohit aur Puja papa ko dekhe jarhe the aur ab shekhar ne bolna shuru kiya,
“rekha kya kaha tumne abhi? Selfish? Yaad karo 30 saal pehle kya hua tha. Maine to apne life ki sari planning kr li thi aur jarha tha hamesha ke liye apne life me par tumne roka tha mujhe. Teri khushiya tera future better krne ke liye tune mujhe pehli aur aakhri baar kuch manga tha aur maine meri behen ke liye haste haste sabkuch chhod diya.
Are behen apne bhai ko paise mangti hai, gadi banglow, jwellery mangte hai par tune to apne bhai se uski zindagi hi mang li aur tum mujhe selfish bol rhi ho. Agar me selfish hota to aaj me yaha nahi kahi aur hota aur shayd bahot khush hota.
Par mujhe aaj isbaat ka dukh nahi hai pata hai kyu Rohit kyunki mujhe bhagwan ne itna khubsurat khajana diya hai…. Jisdin meri shadi tumhari maa se hui thi usi din phere lete huye us agni me maine apni puri past gay life jala di aur tabhi faisla kiya tha ke jisse maine shadi ki hai use kabhi dhoka nahi dunga apni sari jimmedariya farz ke naam pe nahi to pyar ke naam se paar karunga. Aur maine waise hi kiya har roj ek nayi jung ladta tha biwi ko khush karne ke liye aur ha me successful hua kyunki tumhari maa mujhse bahot pyaar krti thi and mujhe worlds best hubby manti thi. Aur me bhi ye manta hu ke tumhari maa se achhi jivansathi mujhe nahi mil sakti thi. Aur fir Rohit paida hua, jab pehli baar maine tumhe apne hath me liya me apna sara past, sare gham bhul gaya woh din to me aaj bhi mehsus karta hu itna khush to shayd hi me kabhi raha hounga.
Tumhe apne hath me lekar maine apne dil se faisla kiya tha ke jo mujhpe beeti hai woh me apne bête pe kabhi bitne nahi dunga. Me uska pita nahi dost banunga taki woh apne life ki badi se badi baat mujhe aasani se batake relax feel kar sake. Jo baat me apne papa ko kabhi samjha nahi paya woh prblm mere bête ko kabhi na ho aur dekho me isbaar bhi kamayab hogaya tum apni sari baate mujhe batate the yaha tak ki pyaar ke bare me bhi aur isi wajah se jab sab relatives tumhari shadi ke khilaf the maine tumhe support kiya kyunki pyaar ki ehmiyat aur bichadne ka gham bhala mujhse jyada kon samajh sakta tha aur me apne bête ko us gham se nahi jane dena chahta tha jaha se uska baap gujra tha.
Kisiki hame najar lag gayi aur tumhari Maa hame chhodke chali gayi. Delivery ke waqt complications hui thi yakeen karo meri wajah se kuch nahi hua tha. Uske jane ke baad 4saal ka Rohit aur 2din ka Pratik mere hath me the aur me firse akela hogaya tha hamesha ke liye. Chahta to me dusri shadi kar sakta tha par me sauteli maa tumlogon ke liye nahi lana chahta tha. Aur us akelepan me mera bhi man kiya ki me firse apni gay life explore karu par maine apne aap ko rok liya sochkar ke agar is wajah se mere bachhon ki tarah dhyan na de pau aur woh bigad jaye to isme sabse badi haar meri hogi. Me tumdono ko apni maa ke sanskar dena chahta tha aur hamesha yahi koshish ki aur aaj dekho mere dono bête aise hai ke koi unpe ungli bhi nhi utha sakta.”
Papa ki baate sunkar Rohit aur Puja ki aakhon me pani aagaya. Shekhar abhi bhi bol raha tha,
“puri life fight krte huye hi bitayi hai maine aur aaj me thak gaya hu bahot, akela hogaya tha, aur tabhi achanak Suraj wapas meri life me aaya. Kadi dhup me chaav bankar , ha me gay hu par ek insaan bhi to hu, sabko lagta hai woh apne pyaar ke sath rahe to agar maine bhi aisa soch liya to kya galat kiya. Hamesha apne dil ko dabate huye farz ke liye kurban hote raha hu par ab nahi hota mujhse ab to sacrifice krte krte bhi thak gaya hu.
Itna sabkuch kiya aur bhi aaj mere bête mujhe hate karte hai, meri sis mujhe selfish manti hai iska mtlb aajtk maine kuch nahi kamaya. Mera sabkuch pani me chala gaya.
Par ab aur nahi aajtak maine apno ki suni apni nahi par aaj me apne dil ki sununga.
Me jarha hu aaj yaha se hamesha ke liye. Mere bachho agar mujhse galti hogayi ho to apne baap ko maaf kar dena par aaj agar maine apne dil ki nahi suni to ek zinda lash banke jiunga usse achha ab meri jimmedari khatm hoti hai tumhari taraf. Har baap chahta hai ke uske bête uske jaise ho, beta chahta hai woh uske papa jaisa bane par me chahta hu ke tum meri tarah bilkul na bano……bilkul nahi”
Kehkar shekhar apne room me chala gaya. Yaha rohit freeze hoke bas dekh raha tha uski aakhon se continue pani beh raha tha aur uske face se lag raha tha mano bahot gehri soch me duba ho. Tabhi Rekha shekhar ke piche uske room me jane lagi to Rohit ne uska hath pakad liya aur bola,
“Bua jane do unhe” ….
Yaha shekhar apni bag bharne laga. 30saal pehle jo incidence hua tha aaj bhi wahi incidence repeat horha tha. Tabhi shekhar ke dimag me aaya suraj ko call karne ka,
“hello suraj kaha ho?”
“shekhar, tumne call kiya? U said kabhi nhi baat karenge ab…”
“are woh sab baad me pehle bata kaha hai?”
“me station pe hu Mumbai wapas jarha hu abhi aadhe ghante me train hai meri”
“suraj ruk ja me aarha hu mujhe tujhse bahot jaruri baat karni hai me abhi aarha hu”
Kehkar shekhar ne phone cut kiya aur packing fast krne laga. Ghar ko chhodne ka gham to use tha par ek satisfaction tha ek bahot bada bojh jhuth ka bojh utar gaya tha uske sar se. aaj usne woh sab bol diya tha jo usne itne saalon se apne ander rakha tha isliye woh ab bahot free mehsus kar raha tha aur ab woh 30 saal pehle dekhe huye sapne pure karne ke bare me soch raha tha. Ab woh zindagi jine ke bare me soch raha tha aur uske chahre pe constant smile aarhi thi.
Par tabhi hall se awaaz sunai thi.
Rohit phone pe kisise baat kar raha tha,
“ha Pratik mera bhai hai”
“kya????????? Accident? Kaha? Konse hospital me?”
Pratik ka accident hogaya aur woh hospital me admit hai ye sunke ab shekhar ke packing krnewale hath ruk gaye.
Woh bhagte huye hall me aaya woh kafi dar gaya tha. Rohit aur Puja hospital jane ke liye nikal rahe the, shekhar ne awaaz di,
“ruko, me bhi aarha hu”
Shekhar ne apni aankhe band ki, Suraj ko yaad kiya aur bola,
“sorry suraj aaj fir maine tujhe pehle jaisa dhoka de diya. Please ab is baar mujhe bilkul maaf mat karna.”
--------------------------------------------------------------------------------------------------------------------
“I am so sorry Pratik, ye sab meri wajah se hi hua hai me hi pagal hu is umar me pagalon wale kaam krne chala tha me bhul gaya tha meri umar bit chuki hai.. bas tu hosh me aaja dekh fir insab baton ko hum ek bura sapna samajhke bhula denge hum firse wahi happy family ban jayenge purane din wapas aajayenge Pratik bas tu aankhe khol de….. aur apne is dad ko maaf kar de bête… tu mere liye sabse jyada important hai tumdono ke alawa kuch nahi hai meri life me… dekh apni aankhe khol me sab chhod aaya hu tere liye…. Wapas aaja Pratik… aankhe khol”
Shekhar hospital me Pratik se samne bol rhe the. Pratik behoshi ki halat me tha.
Shekhar ki aakhon se pani aarha tha aur woh Pratik se baat kiye jarha tha par tabhi use ek ajib sa ehsas hua. Usne piche mudkar dekha to room ke darwaje pe Suraj khada tha.
Suraj ko yaha apne samne dekhke Shekhar shocked hogaya.
“tu yaha kaise?”
“inhe humne bulaya hai yaha” Rohit bolte huye room me aaya.
Ab shekhar aur jyada surprised hogaya kya bolu kya nahi use kuch samajh nahi aarha tha aur tab Rohit ne bolna shuru kiya.
“dad pata hai aapne jabse sabkuch bataya tabse me aapki baton pe bahot soch raha tha kya sahi hai kya galat hai mujhe kuch samajh nahi aarha tha par fir maine aankhe band ki aur bas ek baat sochi ki agar me aapki jagah hota to kya karta aur bas mujhe jawab mil gaya.
Me bhagjata aur Puja se shadi kar leta aur kisike bare me kuch nahi sochta kyunki Puja ke bina rehna ye me soch bhi nhi pata isliye dad jo aapne kiya woh bahot badi baat thi me itna hard decision itna tough sacrifice kabhi kar hi nahi pata. Aur bas kya sahi hai ye mujhe samajh aagaya aur maine direct Suraj ji ko phone laga diya.
Dad aapne jo apne family ke liye aajtk kiya hai woh shayd koi aur nahi kar pata isliye to hum bolte hai U r the best dad… aapne bahot kuch kar liya hamare liye ab hamari bari hai aapke liye kuch karne ki
Aapne kaha tha ke hum aapke jaise na bane… but dad mujhe aap jaisa banna hai.. ek aadmi jaise strong in life aur ek aurat jaise sehensheel,emotional shayd yahi to hai ek perfect insaan ki definition…. Aur shayd yahi mtlb hai Shankar bhagwan ke aadhe shiv aadhe parvati roop ka.”
Rohit bolte bolte Suraj ke pas gaya aur bola,
“suraj ji aapne 30saal akele bitaye hai itna bada tyag karoge to bhagwan bhi ro dega isliye shayd aaj aap dono ke pyar ki jeet hui hai. Aapka pyaar extraordinary hai aur aapke pyar ke samne aaj me apna sar jhukata hu.
Aur dad agar gays aap jaise hote hai na to me yahi bolunga ke homosexuals hum straight logon se jyada respectful aur uche hai. And dad aap gay hai ye janne ke baad aap hamari najron se gire nahi hai balki aur unche hogaye hai…. I love u dad.”
Rohit ki baate sunke Shekhar aur Suraj dono ki aakhon me aansu aagye.
“ye gays kuch jyada hi emotional hote hai aisa maine padha to tha par ab dekh bhi rahi hu dono kitna ro rhe hai…. Kyu chote papa” Puja tease krte huye Suraj ko boli.
“chote papa?” Shekhar sochne laga.
“are ab Suraj ji hamare family member hogaye hai to humne unka naam rakha hai chote papa kaisa hai?” Rohit ne bola.
“Papa……. Wow pehli baat kisine bola hia mujhe.. Shekhar tumne meri life kitni khubsurat bana di thanks alott yaar” Suraj aaj bahot khush tha.
“ye lijiye car ki chabi” Rohit ne Shekhar ko keys dete huye kaha.
“ye kisliye?”
“dad, ab chote papa thode emotional horhe hai to yaha hame haddi kyu bana rhe hai jaiye long drive pe ab itne saalo baad ek huye hai to thoda romance to banta hai na boss”
“are nahi me kahi nahi jaunga Pratik ki halat dekh tu”
“dad, doctor se baat hochuki hai unhone kaha hai koi khatra nhi hai unhone nind ka injection diya hai so ye ab nahi uthega so don’t worry ye bilkul thik hai aap chaliye jaiye”
Shekhar aur suraj jane lage to piche se Puja ne awaaz lagayi,
“dad, drive carefully warna hath pakadne ke chakkar me car thuk jayegi”
“ye ladki bhi na kuch jyada hi forward hai”
Sablog hasne lage. Hospital ki lobby se dono jarhe the aur piche se Rohit aur Puja unhe dekh rhe the.Rohit ne Puja ke kandhe pe hath rakha aur uski taraf smile karke dono Pratik ke pass jakar baith gaye. Ek satisfaction wali smile unke chehre pe thi.
--------------------------------------------------------------------------------------------------------------------
Mumbai: Next Year:
Reporter- “jaise ke aap dekh rahe hai ye ek gay pride march hai jaha hazaron ki sankha me log aaye hai shamil hone, unme se kuch logon se hum abhi baat karte hai,
Hie, aapka naam? Aap gay hai?”
“hello mera naam Pratik hai, na me gay nahi hu”
“to aap yaha kise support krne aaye hai?”
“me apne dad ko support krne aaya hu……. MY DAD IS GAY and I m proud of him… and I love him alot”
Tabhi waha Rohit aaya aur chillane laga.. “we love you dad”
Reporter – “ohh that’s really bold family”
“agar parents apne gay son ko accept kr sakte hai to kya son uske gay dad ko accept nhi kr sakta??? Kya age se sath feelings ke mtlb badal jate hai? Ek ladke ko jitni pyaar ki jarurat hai kya utni ek aged aadmi ko nahi?? bold hone ka mtlb chote and modern branded kapde pehenna nhi hota… bold ka mtlb hota hai open minded hoke apni soch badalna.”
“waah, agar aise broad minded log samajh me ho to gays ki situation worst se best hone me koi jyada time nahi lagega.”
==================================================================
No comments:
Post a Comment